Kit me Cako Lok

Me Cako Kwano Baibul ki Dano i Ceng Abicel Mukwongo i Julai

“Jo mapol gunwoyo lok man ma tye i Lega pa Rwotwa ni: ‘Ker meri obin. Kiti mitini i lobo kit ma kitiyo i polo.’ ‘In itamo ni Ker meno obedo gin ango? [Mine kare wek ogam.] “Tyeng me Baibul man miyo botwa ngec meno.” Kwan Daniel 2:44. Ci imi Watchtower me Julai 1 bot rwot ot, wukwan dok wunyam kacel pwony ma tye i te wi lok mukwongo ma tye i pot karatac 16. Wek magajin man bot rwod ot ci wumok nino ma ibidok iye ka gamo lapeny mukene.

The Watchtower Julai 1

“Kit ma dano kwo pi kare manok keken dok kwo opong ki peko-ni, dano mapol gibedo ki tam i kom tyen lok me kwo. In tika dong tamo lok man? [Mine kare wek ogam.] Baibul ociko ni kwo pe bibedo kit man pi naka. [Kwan Niyabo 21:4.] Magajin man nyamo lok i kom yub pa Lubanga pi lobo dok oryeyo jami mogo ma myero watim wek wanong tyen lok me kwo kadi wa kombeddi.”

Awake! Julai

“Lok i kom gin mo ma otimme marac atika ma tye i lok angeya. Ci iwacci: “Pingo Lubanga weko ni jami maraco kit man otimme? [Mine kare wek ogam.] Ma lubbe ki lokke me Baibul, Lubanga paro mada ka dano deno can. [Kwan Nia 3:7.] Baibul bene titiwa gin mumiyo Lubanga pud oweko ni dano oden can dok ni cokcok-ki en bigiko can woko matwal. Magajin man nyamo lok meno.”