Kit me Cako Lok
Me Cako Kwano Baibul ki Dano i Ceng Abicel Mukwongo i Agucito
“Cokcok dano ducu gilego olo kicel kicel. Kadi wa jo ma giwacci Lubanga peke bene gilego ka gupoto i peko. Itamo ni Lubanga winyo lega ducu?” Mine kare wek ogam. Nyut pok nge Wi Lubele me Agucito 1, ci wunyam kacel lok ma tye i te lapeny mukwongo ki ginacoya acel ma kiketo kenyo. Mi magajin ci wuyub awene ma ibidok iye ka nyamo lapeny ma lubo.
Ngec: Lapor man myero kinyut i kare me cokke me cito ka pwony i nino dwe 3 me Agucito.
Wi Lubele Agucito 1
“Watye ka limo dano kun waloko kwedgi i kom kit ma jami ma tugo miti macilo me buto dong onya kwede. Ento jo mapol gitamo-ni jami ma kit meno gire pe rac. In mono itamo ningo? [Mine kare wek ogam.] Yecu owacci watwero ngeyo ka gin moni ber nyo rac ka waneno nyig ma onyako. [Kwan Matayo 7:17.] Magajin man nyamo nyig ma nyak ki i jami ma tugo miti me buto. Miyo bene pwony ma konyo me lweny ki tim me neno jami ma tugo miti me buto.”
Awake! Agucito
“Pol pa wan dano wamito ni wakwo pi kare malac. Itamo ni ngec me cayan ma tye ka medde ameda-ni nino mo bikonyowa me kwo pi naka? [Mine kare wek ogam.] Nen kong cikke me ur man. [Kwan 1 Jo Korint 15:26.] Ento Lubanga mono bitimo man kun tiyo ki cayan kece ki yo mo mukene? Dok ngo mumiyo kombeddi watii dok wato? Magajin man nyuto kit ma Baibul gamo kwede lapeny magi.”