Kit me Cako Lok

Me Cako Kwano Baibul ki Dano i Ceng Abicel Mukwongo i Sektemba

“Dano me rok ki dini mapat pat gilego nino ducu. In itamo ni Lubanga mono winyo dok gamo lega magi ducu?” Mine kare wek ogam. Ci imine kopi me Watchtower me Sektemba 1 dok wunyam kacel pwony ma tye i te wi lok mukwongo ma i pot karatac 16 ki ginacoya acel ma kiketo kenyo. Mi magajin, dok wuyub awene ma ibidok iye ka gamo lapeny ma lubo meno.

The Watchtower Sektemba 1

Nyut pok nge magajin, ci iwacci: “Iromo gamo lapeny man nining? [Mine kare wek ogam.] Nen kong gin ma Baibul waco. [Kwan 1 Jon 5:19.] Ma lubbe ki lok man, “Larac” aye loyo lobo-ni. Man miyo dano bedo ki lapeny mogo i wigi. Larac-ci mono oa ki kwene? En mono dano kikome? Lubanga mono omiye kare ma romene me loyo lobo? Magajin man nyutu gin ma Baibul waco.”

Awake! Sektemba

I kareni dano mapol gitye ki lyeto magwar pi can lim ma gitye iye. In itamo ni yenyo jami me kwo mono tek tutwal pingo? [Mine kare wek ogam.] Baibul miyo tam ma okonyo dano mapol me tic ki lim i yo maber. [Kwan ginacoya acel ki i pot karatac 8-9.] Magajin man miyo tam ma konyo pi jo ma gitye ka lweny ki banya.”