Kit me Cako Lok
Me Cako Kwano Baibul ki Dano i Ceng Abicel Mukwongo i Novemba
“In itamo ni jo ma gitemme me lubo cik pa Lubanga mono cwinygi yom? [Mine kare wek ogam.] Pwony man onyamo lok meno i yo ma gudo cwiny.” Mine Watchtower me Novemba 1, dok wukwan ci wunyam kacel lok ma tye i te wi lok acel ma tye i pot karatac 16-17. Wukwan olo ginacoya mo acel. Mi magajin, dok wuyub awene ma ibidok iye ka gamo lapeny ma lubo meno. Ka magajin me Novemba 1 pud pekke i kacokke, ci ti ki magajin manyen loyo ma wutye kwede ki kit me cako lok mupore ma tye i Ticwa Me Ker.
The Watchtower Novemba 1
“Jo mukene gitamo ni tam ma Baibul miyo i kom tim buto pe dong tiyo i kareni dok keto dic i kom dano. Jo mukene gicwako gin ma Baibul loko. In kono itamo iye ningo? [Mine wek ogam.] Winy kong ngo ma Baibul waco ma lubbe ki ngat ma omiyo cik ma iye. [Kwan 2 Temceo 3:16.] Magajin man nyuto lagam ma Baibul omiyo i kom lapeny apar ma pol kare dano penyo i kom tim buto. Tito bene kit ma cik me Baibul kelo botwa adwogi mabeco.”
Awake! Novemba
“Ka wangiyo jami ma tye i polo ki lobo ci waromo wacci ngo—tye Ngat mo ma ocweyo jami magi ducu kece gubino pigi kengi? [Mine kare wek ogam.] Lacoc mo acel me Baibul ogiko lokke kit man i kare ma en ongiyo polo ki lobo. [Kwan Jo Roma 1:20.] Magajin man tito pi jami mogo ma lucayan gunongo i kom dano ma miniwa ngec mukene i kom lok man.”