Kit me Cako Lok

Me Cako Kwano Baibul ki Dano i Ceng Abicel Mukwongo i Novemba

“Pol pa wan wamito gamente maber. In itamo ni kit gamente mene ma twero cobo pekki pa dano? [Mine kare wek ogam.] Nen kong gin ma kicoyo kany.” Mi bot rwod ot Watchtower me Novemba 1, ci wunyam kacel pwony ma tye i te wi lok mukwongo i pot karatac 16 dok wukwan olo ginacoya acel. Mi bote magajin, ci wuyub nino ma ibidok iye ka gamo lapeny ma lubo meno. Ka magajin me Novemba pud pe, ti ki magajin manyen loyo i kacokkewu kacel ki Ticwa Me Ker ma loko i kom kit me nyutune.

The Watchtower Novemba 1

“Wamito niang kong tammi i lok man. Ka kiwacci ipeny Lubanga lapeny acel mo, gin ango ma in ibipenyo? [Mine kare wek ogam.] Ma lubbe ki lok pa Yecu, opore piwa me yenyo lagam me lapeny ma pigi tego. [Kwan Matayo 7:7.] Magajin man nyuto lagam ma Baibul miyo i kom lapeny adek ma pigi tego magi.” Nyut bot rwod ot lapeny ma tye i agikki me pot karatac 3.

Awake! Novemba

“Watye ka limo jo me odi tin ki tic me konyo lwak. Paci ma tye ki lanyodo acel keken dong gunya mapol i kareni. Itamo ni gin dok pekkigi pol loyo pa paci ma tye ki lunyodo aryo ducu? [Mine kare wek ogam.] Lunyodo mapol dong gunongo tam ma tiyo ki i Baibul. [Kwan 2 Temceo 3:16.] Magajin man nyamo tam mogo ma twero konyo lunyodo ma gitye kengi wek gucob tic mapol ma gitye kwede.”