Kit me Cako Lok

Me Cako Kwano Baibul ki Dano i Ceng Abicel Mukwongo me Decemba

“Ageno ni in bene iye ni dano ducu gimito lirem. Ento kit dano ango ma in imito ni obed laremi? [Mine kare wek ogam.] Nen kong gin ma kiloko kany i kom kit me yero lirem maber.” Mi bot rwod ot kopi me Watchtower me Decemba 1, wukwan dok wunyam kacel pwony ma tye i te wi lok mukwongo i pot karatac 16. Kwan ginacoya acel ma tye kenyo. Mine magajin, dok wuyub awene ma ibidok iye ka gamo lapeny ma lubo meno.

The Watchtower Decemba 1

“In mono dong itamo pingo can ma poto atura tye ka nya medde ameda i kareni? [Mine kare wek ogam.] Baibul gire otito con ni i kare mo can ma poto atura binya. [Kwan Matayo 24:7, 8.] Magajin man miyo lagam i kom lapeny magi: Pingo can ma poto atura tye ka nya medde ameda i kareni? Can magi mono gubedo pwod ma a ki bot Lubanga? Gin ango ma miyo waye ni cokcok-ki Lubanga bigiko can ma poto atura ducu?”

Awake! Decemba

Kwan 2 Temceo 3:16. Ci iwacci: “Jo mukene giye ni Lubanga aye oweko kicoyo Baibul, ento jo mukene pe giye. In kono idok i lok man nining? [Mine kare wek ogam.] Kadi bed tam pa dano opokke i lok man, ento pud waye ni pe tye buk mo mukene ma dong kitemo rwenyone makato Baibul. Magajin man tito kit ma dano gutemme me rwenyo kwede Baibul, ki kit ma gubedo ka diyo dano wek pe gukwan Baibul pi cencwari mapol. Tito bene gin mumiyo obwot.”