Kit me Cako Lok

Me Cako Kwano Baibul ki Dano i Ceng Abicel Mukwongo i Decemba

“I kare man mwaka ki mwaka, pol pa dano nongo gitye ka tam i kom Yecu. In itamo ni ngo ma pire tek loyo ma Yecu ocobo? [Mine kare wek ogam.] Nen kong wi lok madit me pwony ma tye i pot karatac 16.” Mi bot rwod ot Watchtower me Decemba 1, ci wunyam kacel pwony ma tye i te wi lok mukwongo dok wukwan olo Ginacoya acel mo. Mi bote magajin ci wuyub awene ma ibidok iye ka gamo lapeny ma lubo meno.

The Watchtower Decemba 1

“I dwe man, pol pa dano gitye ki cwiny me Karama. I kin jami ma kiryeyogi kanyi, mene ma itamo ni pire tek loyo ka odok i kom cwiny meno? [Nyut jami ma kiryeyo i pot karatac 3 dok imine kare wek ogam. Ci iyab pwony ma rwatte dok ikwan Ginacoya me wi lok madit ma kiketo.] Magajin man tito jami ma watwero timone me po i kom Yecu i kare mo keken, kun pe wakuro kare me Karama keken.”

Awake! Decemba

“Watye ka limo dano pien pol pa dano i kareni ginongo ni guol dok gitye i lyeto magwar. Mono itamo ni dano i kareni gikeco oyot loyo yam con? [Mine kare wek ogam.] Jo mukene giye ni watye ka kwo i kare me lyeto magwar ma kiloko pire kany i 2 Temceo 3:1. [Kwan] Magajin man tito pingo bedo labongo diyo cwiny rac dok miyo tam i kom kit me bedo ngat ma diyo cwinye.”