Lapeny pa Jo Matino —Ngo ma Abitimo ki Kwona? (Bute me 1)

Ka bulu woto ki teggi me doko ludito, myero gumok tam ma pigi tego i kwogi. Me konyogi, kiyubo vidio ma wiye tye ni Young People Ask—What Will I Do With My Life? Ka io i ka yero gin ma imito (main menu), yer Tuk Goga, (play drama) ci inen ka itwero gamo lapeny ma tye i paragraf 2. Ka ityeko meno, yer Penyo Dano (interviews), ka dok iyer Neno Kwogi Macon (looking back), ci item gamo lapeny ma tye i paragraf 3.

Tuko Goga (Drama): (1) I yo ma nining ma kwo pa Temceo rwatte ki pa bulu mapol ma Lukricitayo i kareni? (2) Kiketo lyeto i kom Andre i lok ma dok i kom tuko nining? (3) Omego Fleissig oloko bot Andre ningo i kom (a) tic pi Jehovah ki cwinyi ducu ma nongo bene iketo cwinyi ducu i tuko? (Mat. 6:24) (b) gin ma kelo yomcwiny me ada? (c) gin ma atabo ma en odwogo kwede ki i kem ma kigwoko iye dano mabuc poyo wiye i iye? (d) jo ma gitye i cal kacel ki en gin ki dakone? (e) ka ce en okoko ange pi weko yub ma wiati obedo kwede i kwone? (Pil. 3:8) (4) Daa Andre odok nining i lapenye ni, “Gin ango marac ki mito bedo latuko ma oywek?” (Luka 4:5-7) (5) Loyo ngwec tika okelo yengo bot Andre? (6) Ngo ma imaro ki i waraga me agikki ma Omego Fleissig ocoyo bot Andre? (Car. 10:22) (7) Omego Fleissig okonyo Andre me niang gin ango?

Neno Kwogi Macon (Looking Back): (8) Gin ango ma omego ki lamego-ni onongo gitye ka yelle pire, dok pingo? (9) Rwomgi i timo jami magi onongo dong oo kwene? (10) Gin ango ma oloko kwogi ki acel acel? (2 Kor. 5:15) (11) Tic me tiokraci ango ma dong oleyo ka wang kwogi macon ca, dok pingo gin gutamo ni pe gitwero timo jami aryo magi ducu lawangacel? (12) Tika gitye ki koko ange mo pi loko kwogi i yo man? (13) Gin ango ma gin guloko ma omiyo icako tamo pi ngo ma myero itim ki kwoni?

Tim ber inen penyo dano (interviews) ki jami ma kimedo (supplementary material), dok iyubbe me gamo lapeny ma kibinyamo i Cokke me Ticwa me cabit manyen.