Ngo ma In Ibitimo ki Kwoni?
1 Cawa mukene kipenyo lutino ni, “In imito ni ibed ngo ka idongo?” I kare ma pud in latin awobi matidi, onongo iromo gamone ni imito ni ibed ladwo mutoka? Lapolic? laneno me adwol? Nyo macalo latin anyaka ma onongo pud tidi, onongo iromo gamone ni imito bedo lapwony? nac? lamiconari? Man ma dong i dongo woko-ni, omyero dong ipenye ki lapeny mukene ni, ‘Ngo ma an abitimo ki kwona?’ Tika itye atera me moko tammi?
2 Me konyi wek imok tammi maber, dul pa Jehovah oyubo DVD mo ma wiye tye ni, Young People Ask—What Will I Do With My Life? Tim ber inen vidio man, ci itam matut i kom jami ma tye iye, calo tuko goga (drama), penyo dano (interviews), ki jami mukene ma kimedo (supplementary material). Lok ma tye iye ducu kiryeyogi i bok me “Kayero gin ma imito” (“Main Menu.”)
3 Tuko Goga (Drama): Ka itye ka neno tuko goga man, tam i kom lapeny magi: (1) Jami ango ma gurwatte i kom Temceo ma kiloko i kome i ginacoya ma kicoyo i leb Greek, ki Andre? (Tic 16:1; 1 Tem. 4:8; 2 Tem. 1:5) (2) Kiketo lyeto i kom Andre i lok ma dok i kom tuko nining, dok anga muketo? (3) Anga ma obedo me kony tutwal i kwo pa Temceo ki Andre, dok i yo ma nining? (2 Tem. 1:1-4; 3:14, 15) (4) Lok ma tye i Matayo 6:24 ki Jo Pilipi 3:8 ogudo cwiny Andre nining, dok man gudo cwiny in nining?
4 Kabedo mogo ma Kiyero (Selected Scenes): I yo nge tyeko neno tuku goga man ducu, dok cen inen kabedo mogo ma kiyerogi, ma keto ni, “Paulo gin ki Temceo” ci igam lapeny ni: Kit cik ango ma Paulo omiyo me agikki bot Temceo? (2 Tem. 4:5) Ka dok “Tiyo Tic pi Jehovah ki Tekoni Ducu”: Yub me cwiny ango ma in itye kwede? Ki “Moko Tam me Cung Tung Bot Jehovah”: Yomcwiny me ada mono a ki kwene? “Tam ma Dayo Omiyo”: Gin ango marac ki mito bedo dano ma oywek i lobo pa Catan-ni? (Mat. 4:9) “Koko Ange Mo Pe”: Ngo ma inongo ma twero konyi me cobo gin mo i kwoni olo?—Car. 10:22.
5 Penyo Dano Mogo (Interviews): Ka itye ka neno kabedo magi, gin ango ma ineno ki iye ma weko itwero tiyo tic pi Jehovah ki tekoni ducu? (1) “Ibidyero Kwoni me Lubo Gin ma Kore Peke nyo me Lubo Lubanga?” (1 Jon 2:17); (2) “Pwonyo Kit me Nongo Yomcwiny i Ticci me Pwony” (Jab. 27:14); ki (3) “Doggola me Tic Tye Ayaba.”—Mat. 6:33.
6 Neno Kwogi Macon (Looking Back): In tika iromo gamo lapeny magi? (1) Gin ango ma omego ki lamego-ni onongo gitye ka yelle pire, dok pingo? (2) Rwomgi me gin ma gutimo onongo dong omedde ma rom mene? (3) Kit gin ango ma oloko kwogi ki acel acel? (2 Kor. 5:15) (4) Tic me tiokraci ango ma dong oleyo ka wang kwogi macon ca, dok pingo gin gutamo ni pe gitwero timo jami aryo magi ducu lawangacel? (5) Tika gitye ki koko ange mo pi loko kwogi i yo man? (6) Gin ango ma gin guloko ma omiyo icako tamo pi ngo ma myero itim ki kwoni?
7 Penyo Dano Mukene ma Kimedo (Supplementary Interviews): I penyo dano magi, pwony ango ma inongo ma romo konyi me mako tic pi Jehovah matek? (1) “Ber pa Kwan Piri Keni,” (2) “Yo Mukene me Miyo Caden,” (3) “Tic i Betel,” (4) “Cukul Gilead ma Pwonyo Lumiconari,” ki (5) “Cukul pi Luelda ki Lukony Kor Tic.” Nen “Index ma Cimo Ngec Mukene ma Mako Lok Magi,” ka ikwan ngec mapol i kom jami ma yomo cwinyi.
8 In mono dong ityeko moko ngo ma ibitimone ki kwoni? Paulo okwayo Temceo ni: ‘Tam i kom lok magi, ket cwinyi iye, wek dano gunen kit ma itye ka wot kwede anyim i ticci.’ (1 Tem. 4:15) Wakwayi me tic ki gin ma ineno dok iwinyo ki i DVD man. Peny Jehovah wek okonyi me yero jami ma bimiyi yomcwiny ki yengo i kwo me kom kare-ni ki dong kwo me yomcwiny i anyim.
[Box on page 6]
MAIN MENU
Play Drama
Scenes (11 selections)
Interviews
Play All
Sections (3 selections)
Looking Back
Supplementary Material
Supplementary Interviews
Index to Published Information on Related Subjects
Subtitles
Hearing Impaired
None
To navigate around the menus, use the Next ▶, ◀ Back, and Main Menu.