Lapeny pa Jo Matino—Aromo Mako Lurem me Ada Nining?
Jehovah ocweyo dano i yo ma miyo ginywako lok kacel dok gimako lurem. (Car. 17:17; 18:1, 24) Wek lirem obed ki adwogi maber, omyero wayer luremwa ki diro. (Car. 13:20) I nge neno vidio man me Young People Ask—How Can I Make Real Friends?, tika iromo gamo lapeny magi?
Acakkine:
(1) Larem me ada obedo larem ma nining?
Gigeng me Mako Lirem:
(2) Watwero gwokke ki bedo kic kic nining? (Pil. 2:4) (3) Pingo myero waye me yubo kitwa, dok anga ma twero konyowa me yubone? (2 Kor. 13:11) (4) Watwero yabo yo me mako lurem mabeco mapol nining?—2 Kor. 6:13
Bedo Larem Lubanga:
(5) Waromo dongo wat macok ki Jehovah nining, dok man pire tek pingo? (Jab. 34:8) (6) Ka Jehovah odoko laremwa maber loyo, lirem mabeco ango ma watwero bedo kwede ki dano mukene?
Lurem Maraco:
(7) Angagi ma gubedo lurem maraco? (1 Kor. 15:33) (8) Lurem maraco gitwero balo watwa ki Jehovah nining?
Goga ma Kwako Kwo me Kareni:
(9) Lok ma kicoyo i Baibul i kom Dina-ni pwonyowa gin ango? (Acak. 34:1, 2, 7, 19) (10) I yo ango ma Tara ogengo kwede ngeye i kom lok ma kwako mako lurem ki bulu ma pe guye-ni? (11) Lurem Tara me cukul gunywako kwede jami maraco ango? (12) Pingo lunyodo pa Tara pe guneno peko ma en onongo tye iye, ento i yo ango ma gukonye me yubo watte ki Jehovah? (13) Lamego ma lapainia-ni onyuto bot Tara ni en lareme me ada nining? (14) Ngo ma Tara oniang iye i yo mapat lacen?
Agikkine:
(15) Pwony ango ma inongo ki i vidio man? (16) Itwero tic ki vidio man me konyo jo mukene nining?
Dong, omyero wayer lurem ma bikonyowa me gwoko laremwa ma pud dong ber loyo—ma en aye Lubanga!—Jab. 15:1, 4; Ic. 41:8.