Kabedowa me Intanet—Kiyubo me Konyo Wan ki Jo Mukene
Yecu ocikowa me tito kwena maber me Ker-ri “i wi lobo ducu, me bedo caden bot rok ducu.” (Mat. 24:14) Wek ‘wacob ticwa me pwony kakare,’ kiribo watchtower.org, jw-media.org, ki jw.org kacel, me doko Kabedo me Intanet me jw.org ma kiyubo i cital manyen.—2 Tem. 4:5.
“I Wi Lobo Ducu”: Cokcok dano acel i kom adek ma gikwo i loboni gitiyo ki Intanet. Dong odoko ka nongo ngec ma pire tek, tutwalle bot jo matino. Kabedowa me Intanet miyo bot jo ma gitiyo ki Intanet lagam me ada i kom lapeny me Baibul. Nyuto botgi ngec i kom dul pa Jehovah dok miyogi yo mayot me penyo pi kwano Baibul labongo cul mo ki i pacogi. Pi meno dong twerre pi dano ma gibedo i kabedo ma lutit kwena peke iye me nongo kwena maber-ri bene.
“Rok Ducu”: Me wek wami caden bot “rok ducu,” myero kigony lok ada me Baibul i leb mapatpat. Jo ma gilimo Kabedowa me jw.org ginongo ni yot me nongo lok mapol i cokcok leb 400, ma man pud dong loyo leb ma tye i Kabedo me Intanet mo mukene.
Ti Kwede Maber: Kabedo me jw.org ma kiyubo i cital manyen-ni pe kiketo pi tyen lok me miyo caden bot jo ma pe giye keken. Ento bene kiyubo pi Lucaden pa Jehovah. Ka itiyo ki Intanet, wacuko cwinyi me nongo ngec i kom Kabedowa me jw.org. Kany kimiyo ngec mogo i kom kit me tic kwede.
[Dayagram i pot karatac 3]
(Pi kit ma kiyubo ni onen kwede, nen buk)
Tem Tic Kwede
1 Co www.jw.org i kabedo me coyo adrec me Intanet ma tye i kompiuta.
2 Tem niang kit ma jami ma i kabedo man tiyo kwede kun igwelo wi lok matino tino, ka yero gin ma imito, ki lakub kabedo (links).
3 Tem tic ki jw.org i tet mo keken ma tye ki Intanet, calo cim cing. Pej me Intanet bilokke doko tidi me romo tet ma itye ka tic kwede, ento ngec ma iye pe bilokke.