Kit me Cako Lok

Me Cako Kwano Baibul ki Dano i Ceng Abicel Mukwongo i Febuari

“Pol pa dano gitamo ni Larac-ci tye i nge tim maraco ducu ma tye ka timme i lobo. Ento gipenyo ni, ‘Larac-ci mono oa ki kwene? Lubanga aye mono ocweyo Larac?’ In itamo iye ningo? [Mine kare wek ogam.] Nen kong ngo ma wakwano ki kany.” Nyut pwony ma tye i nge Watchtower me Febuari 1 ci wunyam paragraf me acel dok wukwan ginacoya ma kiketo kenyo. Mi magajin bot rwod ot ka dong wuyub nino ma ibidok iye ka gamo lapeny mukene.

Wi Lubele Febuari 1

“Wamito kong wawiny tammi i lok kom ngat mo ma Lukricitayo, Lujudaya, ki Icilam giworo mada. Dano man nyinge Moses. Gin ango mukwongo ma bino i wi ka iwinyo nying man? [Mine kare wek ogam.] Kadi bed Moses onongo tye ki roc, Baibul oloko maber i kome. [Kwan Nwoyo Cik 34:10-12.] Magajin man nyamo kite mabeco adek ki dok yo ma watwero lubo kwede lanene.”

Awake! Febuari

“Wot i lobbe mapat pat pi yenyo kwo maber obedo gin ma dong timme i kare ducu. In itamo ni jo ma giwoto ni mono ginongo kwo maber ma gitye ka yenyo-ni? [Mine kare wek ogam.] Wot pa dano i lobbe mapat pat pe obedo gin manyen. Nen kong lapor man ki i buk mukwongo me Baibul. [Kwan Acakki 46:5, 6.] Magajin man nyamo lagam man.” Nyut bot rwod lapeny ma tye i agikki me pwony man.