Kit me Cako Lok

Me Cako Kwano Baibul ki Dano i Ceng Abicel Mukwongo i Marci

“Watye ka limo dano pi niangogi i kom gin mo ma bitimme i April 14. I nino dwe meno aye wabikwero iye Nipo me to pa Yecu. Jo mukene gibibedo i kwer man pien gingeyo ni to pa Yecu obedo gin ma pire tek mada. Jo mukene pe gingeyo tyen lok me to pa Yecu. Tika itamo ni to pa Yecu twero kelo adwogi maber bota ki boti?” Mine kare wek ogam. Nyut pok nge Wi Lubele me Marci 1, ci wunyam kacel lok ma tye i te lapeny mukwongo, ki ginacoya acel ma kiketo kenyo. Mi magajin ci wuyub awene ma ibidok iye ka gamo lapeny ma lubo.

Wi Lubele Marci 1

“Dano mapol giuro pingo Lubanga pe timo gin mo me juko peko ki turo cik i lobo. Itamo ni Lubanga dong pe paro pi dano nyo en winyo maber ka dano deno can? [Mine kare wek ogam ci wukwan Jon 3:16.] Kadi bed jo mapol gitiyo ki tyeng man me nyuto ni Lubanga paro piwa, ento pe gingeyo kit ma to pa wod pa Lubanga kelo adwogi maber botgi. Magajin man tito kit ma to pa Yecu twero giko kwede peko ki turo cik i lobo.”

Awake! Marci

“Watye ka limo dano pi nyamo lok mo ma pe tye kakare ma dano giwaco i kom wang Baibul man. [Kwan Acakki 1:1.] Jo mukene gicwako lok man ni lobo ki polo kicweyo acweya, ento jo mukene pe giye. In kono itamo ningo i kom lok man? [Mine kare wek ogam.] Jo mapol pe gicwako lok ma dok i kom cwec pien lupwonye dini gipwonyo gin ma peke i Baibul. Magajin man nyuto kit ma Baibul tito kikore dok i yo ma niange maber kit ma kicweyo kwede polo ki lobo.”