Kit me Cako Lok

Kit me Poko Karatac me Lwongo pi Nipo

“Watye ka poko karatac me lwongo pi yub mo ma pire tek adada. I nino dwe 3 me April, dano milion mapol i twok lobo ducu gibicokke kacel pi kwero Nipo me to pa Yecu Kricito, ki me winyo pwony me Baibul labongo cul mo. Pwony meno bilok i kom kit ma tone konyowa kwede. Karatac me lwongo man nyuto cawa ki kabedo ma yub man bitimme iye.”

Wi Lubele Marci 1

“April 3 bibedo nino me Nipo me to pa Yecu Kricito. Jo mogo i kabedowa kany gibirwatte i nino meno pi kwero to pa Yecu, ento jo mukene dok gitamo ni to pa Yecu konye pe. In itamo ningo? Itamo ni to ki cer pa Yecu tika kelo adwogi mo maber botwa? [Mine kare wek ogam.] Nen kong gin ma Lok pa Lubanga waco. [Kwan 1 Jo Korint 15:22, 26.] Magajin man nyamo mot acel ma wabinongo i kare me anyim pi ginkok pa Yecu—mot man aye ni, pe tye ngat mo i lobo ma dong bito.”

Awake! Marci

“Watye ka limo jiraniwa kun wanyuto botgi Awake! me dwe man. [Nyut bote pok ngeye.] Dano ducu tye ki tam mapatpat i kom lapeny mukwongo man: ‘Lubanga Tika Tye?’ In itamo ni anga ma tye ki tam maber loyo i kom kwo me anyim—jo ma giye i kom Lubanga nyo ma giwacci Lubanga pe? [Mine kare wek ogam.] Nen cikke man pa Lubanga ma miyo jo mapol gibedo ki gen. [Kwan Jabuli 37:10, 11.] Magajin man tito tyen lok angwen mumiyo omyero wakwed lok wek wange ka Lubanga tye.”