Pingo Myero Wacit i Wang Tic Cutcut?

Ka watye i cokke me cito i tic me pwony, nongo watye i kin utmego dok rwatte piwa me boko lok kwedgi. Ento, teke cokke meno otum, omyero watem cito i wang tic ma kimiyo cutcut. Ticwa me tito kwena-ni mitte pi oyot mada. (2 Tem. 4:2) Ka wagalle i boko lok, ci wabidwoko piny cawa ma wacwalo i tito kwena. Wabibedo ki kare muromo me nywako lok kacel ki lutit kwena luwotwa ka wawoto ki tic kacel i wang ticwa. Ka wacito i wang tic labongo galle, ci binyuto mit komwa i tic pi Jehovah kacel ki Wode.​—Rom. 12:11.