Bed ma Wangi Twolo i Yo me Cwiny ka Kwoni Olokke

Alokaloka obedo gin ma pe watwero bwot ki iye, tutwalle i kare man me agikki-ni. (1Kor 7:31) Kadi bed ingeyo ni alokaloka moni obitimme nyo pe, kadi ber nyo rac, pud twero balo worowa nyo watwa ki Jehovah. Ngo ma bikonyowa me bedo ma wangwa twolo i yo me cwiny i kare me alokaloka? Nen vidio ma wiye tye ni Cung Matek i Yo me Cwiny ka Itye ka Dak, ci wugam lapeny magi:

• Tam ango ma omego mo acel omiyo bot won ot-ti?

• Cik ma iye lac ma nonge i Matayo 7:25 okonyo jo me ot man nining?

• Jo me ot-ti guyubbe con nining pi dak, dok man okonyogi nining?

• Gin ango ma okonyo jo me ot man me loko yo me kwogi ma lubbe ki kacokke ki wang tic manyen-ni?

Alokaloka madongo ango ma otimme i kwona cokcok-ki?

Atwero tic ki pwony ma anongo ki i vidio-ni nining i kwona?