Ngo ma Mitte me Lubo Kor Yecu?

9:62

Wek lapur opur potone kun ciko lain atir, en pe myero owek jami ma angec odwor tamme. I yo acel-li, Lakricitayo pe myero owek jami ma en oweko i lobo odwor tamme.​—Pil 3:13.

Ka watye ka wok ki i kwo matek, yot tutwal me cako paro kare mukato angec, gwok nyo ma peya wajolo ada. Ka watye ka paro jami ma waweko angec, pol kare wamedo kado i kom yomcwiny ma wabedo kwede, kun wacayo pekki ma wakato ki iye. Meno aye gin ma Luicrael gutimo i kare ma guweko lobo Ejipt. (Wel 11:5, 6) Ka wabedo ka keto tamwa i kom gin ma angec, ci waromo dok cen i kit yo me kwowa macon-ni. Pud dong pire tek ya me lwodo lok i kom mot ma watye kwede i kare-ni kun waketo cwinywa i kom yomcwiny ma wabinongo i te loc me Ker-ri!​—2Kor 4:16-18.