Jehovah Maro Jo Maleng

“Lwok cingi. Yub kabutoni. Ywer dye ot. Ter yugi woko.” Lunyodo mapol gipwonyo lutinogi kit me gwoko lengo me kom. Ento cik ma iye lac man oa ki bot Lubangawa maleng-ngi. (Nia 30:18-20; Nwo 23:14; 2Kor 7:1) Ka wagwoko komwa ki jamiwa maleng, wakelo deyo bot Jehovah. (1Pet 1:14-16) Gangwa ki kabedo murumowa kono? Lukricitayo gitute matek me gwoko kabedo murumogi maleng dok pe gibedo calo jo me lobo ma gibolo yugi ata wa i dye gudu. (Jab 115:16; Yabo 11:18) Kadi wa jami matino, calo pok cwit, cupa soda, nyo odok cwit ma wanyamo, twero nyuto tamwa i kom lengo. I yo me kwowa ducu, myero ‘wanyuto berwa macalo lutic pa Lubanga’​—2Kor 6:3, 4.

NEN VIDIO MA WIYE TYE NI LUBANGA MARO JO MALENG, CI IGAM LAPENY MAGI:

• Jo ma pe gigwoko jamigi maleng gigengo ngegi nining?

• Cik pa Moses onyuto kit ma Lubanga neno kwede lengo nining?

• Watwero miyo caden i kom Jehovah ma pe waloko ki dogwa nining?