Itero Lok pa Lubanga Nining?

Baibul tye ki tam kacel ki lok pa Lubanga Jehovah, Ngat ma oweko kicoyo buk man maleng-ngi. (2Pet 1:20, 21) Baibul oloko wang mapol i kom ilo twero me loc pa Lubanga kun tiyo ki Kerre, dok man omiyo gen bot dano ducu ni kwo maber cok bino. Baibul bene nyutiwa mar pa Wonwa me polo, Jehovah.​—Jab 86:15.

Wan ducu ki acel acel watero Lok pa Jehovah calo gin ma pire tek pi tyen lok mapatpat. Ento tika wanyuto ni watero mic man mamwonya-ni calo gin ma pire tek ki kwanone nino ducu kun waketo i tic jami ma wakwanogi? Walego ni ticwa onyut ni wanywako i tam acel calo laco jabuli ma owaco ni: “Amaro cikki twatwal!”​—Jab 119:97.

NEN VIDIO MA WIYE TYE NI GUTERO BAIBUL CALO GIN MA PIRE TEK​—BUTE MANOK (WILLIAM TYNDALE), CI IGAM LAPENY MAGI:

• 

  Pingo William Tyndale ogonyo buke mogo me Baibul?

• Pingo tutene me gonyo Baibul onongo obedo gin ma pire tek adada?

• Kicwalo kopi me Baibul ma Tyndale ogonyo-ni i England nining?

• Wan ducu watwero nyutone nining ni watero lok pa Lubanga calo gin ma pire tek?