Kit me Cako Lok Kun Itiyo ki Trak

Nicakke i Januari 2018, kibedo ka nyuto kit me nyamo lok i Yub me Cokke me Kwowa ki Ticwa. Dok kibedo ka cuko cwinywa tutwalle me nywako lok ki dano me ka minigi ginakwana. Me konyo lutit kwena, kibedo ka tic ki vidio ma nyuto kit me nyamo lok kun kitiyo ki Baibul keken. Ento tika man nyuto ni pe myero wami ginakwana i ot ki ot? Pe Kumeno! Me labolle, trak twero bedo yo maber adada me cako lok ki dano. Watwero tic ki tam man ka watye ka tic ki trak mo keken:

1. Peny lapeny ma tye i pot karatac me acel.

2. Nyut lagam ma Baibul miyo ma kicoyo malo i pot karatac me aryo. Ka cawa pud tye, kwan ci wunyam lok ma tye i trak meno.

3. Mi trak bot rwod ot, ci icuk cwinye me kwano bute ma odong i cawa ma rwatte pire.

4. Ma peya ia, nyutte lapeny ma tye i te wi lok ni “Tam Kong,” ci ket yub me gamo lapeny meno ka idok cen.

Ka idok, gam lapeny meno ci wekke dok lapeny mukene pi nino me lacen. Itwero tic ki lapeny ma nonge i kabedowa me Intanet nyo ma i ginakwana ma kiketo i nge trak meno. Dong itwero mine brocuwa me Kwena Maber Mua ki Bot Lubanga! nyo ginakwana mo keken ki i kin Jami Ticwa me Pwony.