Dongo Dirowa I Tic Me Pwony​—Miyo Caden Bot Lutowang

PINGO PIRE TEK: Lutowang mapol pe gibedo agonya me lok ki welo ma pe gingeyo. Pi meno, mito diro wek wami caden botgi. Jehovah maro dok paro pi lutowang. (Levi 19:14) Watwero lubo lanenne ka wakwanyo karewa me konyo lutowang i yo me cwiny.

KIT ME TIMONE:

• ‘Yeny’ ka ma lutowang gitye iye. (Mat 10:11) Tika ingeyo ngat mo ma tye ki latowang i ganggi? Tika wang ticwu tye ki cukul nyo ka gwoko jo muteggi ma gitwero bedo ki miti me nongo bukke ma kiyubo pi lutowang?

• Nyut ni iparo pigi. Ka inyuto cwiny me lirem ki dok ni iparo pigi, ci gibibedo agonya. Temme me cako lok i kom gin ma twero gudo cwinygi

• Konygi me ngeyo Jehovah. Me konyo jo ma wanggi oto nyo ma pe gineno piny maber, dulwa oyubo bukke pigi i yo mapatpat. Peny tamgi ki acel acel wek iniang mene ma gimito kwanone. Laelda ma neno wi tic me pwony myero onen ni omege ma gitiyo i lok kom bukke gupenyo pi bukke ma rwatte ki miti pa latowang