Jol Kony ki Bot Lutic Luwoti

Jehovah ominiwa ‘utmege ma gitye i twok lobo ducu’ wek gukonywa. (1Pet 5:9) Gitwero konyowa ka watye ka kemme ki ariya i ticwa me pwony. Me labolle, lakwena Paulo onongo kony ki bot Akwila ki Pricikila, Cira, Temceo, ki dong jo mukene.​—Tic 18:1-5.

Utmege gitwero konyi nining i tic me pwony? Gitwero mini tam i kom kit me dok i lok pa ngat ma ongolo lokki, dok cen ka lim, nyo kit me cako kwano Baibul ki dano. Tam kong i kom anga ma tye i kacokkewu ma twero mini kony ma imito ci ipenye wek okonyi. Labongo akalakala mo, wun ducu wubinongo adwogi maber, dok wubinongo yomcwiny.​—Pil 1:25.

NEN VIDIO MA WIYE TYE NI NONG YOMCWINY I TIC ME PWONY​—YE KONY PA JEHOVAH—​UTMEGIWA, CI IGAM LAPENY MAGI:

• 

  Betty ocuko cwiny Precious me cito i cokke nining?

• 

  Pingo myero wacit ki lutit kwena mukene ka kwan ki lutino kwanwa me Baibul?

• 

  Gin ango ma Precious gin ki Abigail ducu onongo gimaro?

• Diro me pwony ango ma lutit kwena luwoti gitwero pwonyi kwede?