Pwony Lutino Kwanni me Baibul me Camo Cam me Cwiny Pigi Kengi

Wek lutino kwanwa me Baibul gunge Jehovah maber dok gudong i yo me cwiny, omyero pe gugik ki ngec ma waminigi-ni keken. (Mat 5:3; Ibru 5:12–6:2) Omyero bene gupwonnye me camo cam me cwiny pigi kengi.

Ma pud lutino kwanni me Baibul gucako kwangi acaka, nyutigi kit me yubo bukgi, dok cuk cwinygi me yubbe maber pi kwanwu. (mwb18.03 6) Cuk cwinygi me lega ma peya gucako kwano Baibul pigi kengi. Nyutigi kit me nongo ki tic ki jami ticwa me pwony ma nonge i kabedowa me intanet ka gitye ka kwano Baibul pigi kengi. Tittigi kit me nongo jamiwa manyen ma nonge i jw.org ki JW Broadcasting^®. Ka kare woto ki kato, pwonygi ki kit me kwano Baibul nino ducu, me yubbe pi cokke, ki dong me kwedo lok wek gunong lagam pi lapenygi. Konygi me lwodo lok i kom gin ma gitye ka pwonyone.

NEN VIDIO MA WIYE TYE NI KONY LUTINO KWANNI ME BAIBUL ME CAMO CAM ME CWINY PIGI KENGI, CI IGAM LAPENY MAGI:

• 

  Betty okonyo Precious nining me niang ni kwano Baibul pe kwako mere nongo lagam pi lapeny keken?

• 

  Gin ango ma okonyo Precious me ye ni opore pi Jehovah me gengo tim tarwang?

• 

  Gin ango ma Precious oniang iye madok i kom lwodo lok?