TUTE MATEK I TIC ME PWONY | MEDDE KI NONGO YOMCWINY MADWONG I TIC ME PWONY
Kony Lutino Kwanni me Baibul me Dongo Watgi ki Jehovah
Jehovah mito ni wati pire pi mar ma watye kwede. (Mat 22:37, 38) Margi pi Lubanga aye bikonyo lutino kwanni me Baibul me timo alokaloka ki dok me cung matek i atematema. (1Jon 5:3) Margi pi Lubanga aye bicuko cwinygi me nongo batija.
Kony lutino kwanni me neno mar pa Lubanga pigi. Ti ki lapeny calo: “Gin man pwonyi gin ango i kom Jehovah?” nyo ni “Man nyuto mar pa Lubanga piri nining?” Konygi me neno kit ma Jehovah tye ka konyogi. (2Tekwaro 16:9) Tit botgi labol mogo ma nyuto kit ma Jehovah ogamo kwede legani mogo, dok cuk cwinygi me neno kit ma Jehovah gamo kwede legagi. Cwinywa bedo yom adada ka waneno ni lutino kwanwa me Baibul giwinyo ni Jehovah marogi dok gin bene ginyuto ni gimarre dok gimito bedo lareme.
NEN VIDIO MA WIYE TYE NI KONY LUTINO KWANNI ME BAIBUL ME DONGO WATGI KI JEHOVAH, CI IGAM LAPENY MAGI:
Ariya ango ma Precious okemme kwede?
Betty okonyo Precious nining?
Precious oloyo ariya man nining?