Angagi ma Gitye Luremi ki i Kabedo me Nywako Lok i Intanet?

Larem obedo “ngat ma moko i kom lawote pi mar ki woro ma en tye kwede i kom lawote meno.” Me labolle, Yonacan ki Daudi gucako doko lurem macok i kare ma Daudi oneko Goliac. (1Cam 18:1) Ngat acel acel onyuto kit mabeco ma weko lawote bedo ki miti me doko lareme. Pi meno, lirem matek jenge i kom ngec matir. Ngeyo ngat moni maber tero kare dok mito tute. Ento ki i kabedo me nywako lok i intanet, itwero doko larem ngat moni ka idiyo mere ka mo ki i kompiutani nyo cimmi kicel keken. Jo ma i kabedo me nywako lok i intanet giyero gin ma myero gilok ayera wek gidor kit ma dano tamo kwede i komgi, pi meno yot adada me kano anga kikome ma gibedo. Dong myero itam matut i kom anga ma imito ni obed laremi ki i kabedo me nywako lok i intanet. Pe ibed ki lworo me kwero bedo larem ngat mo ma pe ingeyo pien itamo ni bicwero cwinye. Jo mogo guyero pe me tic ki kabedo me nywako lok i intanet pi adwogi maraco ma twero bino. Ento gin ango myero itam iye ka iyero me tic ki kabedo me nywako lok i intanet?

NEN VIDIO MA WIYE TYE NI TI KI KABEDO ME NYWAKO LOK I INTANET I YO MABER, CI IGAM LAPENY MAGI:

• 

  Ngo ma myero itam iye ma pud peya icoyo gin mo nyo iketo cal i kabedo me nywako lok i intanet?

• 

  Pingo myero iyer ki diro jo ma imito ni gubed luremi i kabedo me nywako lok i intanet?

• 

  Pingo myero imok cawa adi ma ibicwalo i kabedo me nywako lok i intanet?—Ep 5:15, 16