Tika Dong Iyubbe pi Lweny ki Kukukuku?

Wangeyo ni ka agikki me lobo man woto ki nyiko cok, kukukuku, tim aranyi ki dong lweny bene bimedde ameda. (Yabo 6:4) Watwero yubbe pi peko ma twero timme i anyim nining?

• Yubbe maber i yo me cwiny: Nge cik ma igi lac me Baibul ki gin mutimme ma kicoyo i Baibul ma twero jingo genni i kom Jehovah kacel ki dulle dok ma twero konyi me cung ma pe icwako tung ka mo. (Car 12:5; jr-E 125-126 para. 23-24) Man aye kare me dongo wat maber ki jo me kacokke.—1Pet 4:7, 8

• Yubbe maber i yo me kom: Nong ka mo ma itwero kanne iye ka pe itwero a ki gang dok ibed ki jami ma mitte. Dok bene go pulan pi jami me atima ka mitte ni ia ki gang. Nen ka jami ducu ma mitte tye i baggi me ngwec, dok ket bene cente ki jami ma twero konyi me gwoke ki i awano. Nge kit me kubbe ki luelda dok inen ni gin bene gitwero kubbe kwedi.—Ic 32:2; g17.5-E 3-7

Ka peko opoto, medde ki timo jami ma mitte me gwoko watti ki Jehovah. (Pil 1:10) Pe ibed ka wot atata nikwanyo ka mitte ni ia woko ki ka ma itye iye. (Mat 10:16) Nywak cam kacel ki jami ma itye kwede ki jo mukene.—Rom 12:13.

NEN VIDIO MA WIYE TYE NI TIKA DONG IYUBBE PI PEKO MA TWERO TIMME? CI IGAM LAPENY MAGI:

• Jehovah twero konyowa nining i kare me peko?

• Gin ango ma watwero timone me yubbe pi peko?

• Watwero konyo jo mukene ma peko opoto i komgi nining?