KWOWA MACALO LUKRICITAYO

Tika Dong Iyubbe pi Pekki ma Bino Macalo Adwogi me Can Lim?

Pe wabedo ki ur ka jami ma tye ka timme i wi lobo-ni tye ka kelo can lim i but lobo ducu. Pingo? Pien watye ka kwo i agikki me kare me agikki dok Baibul cikowa ni omyero pe waket genwa i kom “lonyo ma pe genne.” (1Tem 6:17; 2Tem 3:1) Lanen pa Kabaka Yekocapat pwonyowa gin ango i kom yubbe pi pekki ma bino macalo adwogi me can lim?

I kare ma lumone ma gubedo lurok guonyo bura i kome, Yekocapat oketo genne i kom Jehovah. (2Tekwaro 20:9-12) En bene ogero cel gogo dok oketo lumony orumo lobo Juda ducu. (2Tekwaro 17:1, 2, 12, 13) Calo Yekocapat, wan bene myero waket genwa i kom Jehovah dok wayubbe me kemme ki peko mo keken ma bibino i anyim.

NEN VIDIO MA WIYE TYE NI TIKA DONG IYUBBE PI PEKO MA POTO ATURA? CI IGAM LAPENY MAGI:

Cal ma kikwanyo ki i vidio ma wiye tye “Tika Dong Iyubbe pi Peko ma Poto Atura?” Cal mogo matino nyuto Baibul, bag me ngwec, cim ki dong ngat ma tye ka gedo.

Gin ango ma itwero timo me yubbe pi can ma poto atura?

Your answer

Cal ma kikwanyo ki i vidio ma wiye tye “Tika Dong Iyubbe pi Peko ma Poto Atura?” Omego gitye ka gitye ka nywako i tic me miyo kony, gitye ka gero ot ki dong kwanyo jami tic ki mutoka.

Watwero yubbe me konyo jo mukene nining?

Your answer