Kokkinakis v. Greece: Droit réservé
Cakke ki i cal ma malo tung acam me dok tung acuc: West Virginia State Board of Education ki Barnette; Kokkinakis ki Greece; Taganrog LRO Kacel ki Jo Mukene ki Russia; Cha Kacel ki Jo Mukene ki South Korea
KWOWA MACALO LUKRICITAYO
‘Pido i Kot ki Gwoko Twerowa’ me Tito Kwena
I kare ma lumone pa Luicrael gutemo juko Luicrael ki roco ot pa Lubanga, lugedo gutimo jami ma mitte wek ginong twero me medde ki roco ot meno. (Ejira 5:11-16) Lukricitayo bene gitimo jami ducu ma gitwero wek gigwok twerogi me tito kwena maber. (Pil 1:7) Me timo meno, i mwaka 1936, kicako Dipatmen ma Neno Lok Kom Cik i gang kalwa madit. I kare-ni, Dipatmen ma Neno Lok Kom Cik i Gang Kal Madit doro tic ma kwako pido i kot ki dong gwoko twerowa me woro Jehovah i wi lobo ducu. Gin ango ma dipatmen man otimo me konyo jo pa Lubanga ki dong tyelo kor tic me Ker-ri?
NEN VIDIO MA WIYE TYE NI LIMO DIPATMEN MA NENO LOK KOM CIK I GANG KAL MADIT, CI IGAM LAPENY MAGI:
Pekki ango ma Lucaden pa Jehovah guwok ki iye?
Pido mene ma waloyo? Mi labol
Gin ango ma wan ducu ki acel acel watwero timone wek wagwok dok wacung pi twerowa me tito kwena maber?
Ka kwene ki i kabedowa me Intanet ma watwero nongo iye ngec i kom pido ma kwako jo pa Lubanga ki dong nying Lucaden pa Jehovah ma kitweyogi i buc pi niyegi?