Tam Ma Twero Konyi

Yer Jami ma Pigi Tego Loyo

Wan ducu watye ki cawa manok me kwan piwa kenwa. Watwero tic ki cawa man i yo maber loyo nining? Me acel, ter cawa muromo i gin ma itye ka kwanone. Ibinongo adwogi maber loyo ka ikwano pwony acel kore ki kore makato ka ikwano pwony mapol ma nongo irune aruya.

Me aryo, yer jami ma pigi tego loyo. (Ep. 5:15, 16) Tam magi gitwero konyi me timo meno:

• Kwan Baibul nino ducu. (Jab. 1:2) Twero bedo me kony ka icako ki kwano cura ma kinywako i cokke me dye cabit.

• Yub pwony me anyama ma i Wi Lubele me cabit meno kacel ki yub me cokke me dye cabit. Yubbe maber wek ibed agonya me miyo lagam.—Jab. 22:22.

• Tute bene me kwano ki neno jami mukene, me labolle magajinwa pi lwak, vidio, kacel ki pwony mogo ma tye i jw.org.

• Tim kwed i kom gin mo ma yomo cwinyi. Itwero timo kwed i kom peko ma itye ka kemme kwede, lapeny mo ma imito nongo lagamme, nyo pwony mo ma nonge i Baibul ma imito niang iye maber.