Lweny Rac Adada

“Ka itye i dog lweny, kare ducu ineno ka dano gito nyo ginongo awano maraco adada. Cawa ducu nongo kwoni tye ka mading.”—Gary, ma bedo i lobo Britain.

“Ricac mapol ocelo dye ngeya ki wanga, dok aneno ka dano mapol kinekogi, kadi wa lutino ki jo mutii. Lweny weko pe ineno deno can ki to calo gin marac.”—William, ma bedo i lobo Colombia.

“Ka ricac ocelo ngat mo i nyimi, gin mutimme meno pe a ki i wii. Ibedo ka goyo i wii kare ki kare kit ma ngat meno obedo ka dange ki koko kwede. Wii pe wil i kom ngat meno matwal.”—Sofia, ma bedo i lobo Amerika.

“Awinyo calo onongo dong pe abibedo ki yomcwiny mo i kwona. Onongo atye ki lworo ni abito woko, ento lworona madit loyo onongo tye ni wadina ki lurema bene gibito woko.”—Sandra, ma onongo bedo i lobo Ukraine.

“Onongo watye ki lworo me cung i layin me gamo cam pi cawa ma romo 21 kulu, kun bene pe wangeyo ka ce ricac pa lumony nyo adwii bicelowa.”—Daniel, ma bedo i lobo Tajikistan.

“Kineko lunyodona i kare me lweny. Man oweko adoko latin kic labongo ngat mo ma gwoka nyo kweyo cwinya.”—Marie, ma bedo i lobo Rwanda.