Pingo Lweny ki Tim Gero Tye ka Medde?

BAL

Lubanga ocweyo lunyodowa mukwongo, Adam ki Kawa i calle. (Acakki 1:27) Ma meno tyen lokke ni onongo gitwero poro kit pa Lubanga, calo kuc kacel ki mar i kwogi. (1 Jo Korint 14:33; 1 Jon 4:8) Ento, Adam ki Kawa pe gubedo luwiny bot Lubanga ci gutimo bal. Macalo adwogine, wan ducu walako bal ki to. (Jo Roma 5:12) Pien walako bal, pol kare watamo tam maraco, dok meno aye oweko jo mapol gitimo tim gero.—Acakki 6:5; Marako 7:​21, 22.

GAMENTE PA DANO

Lubanga pe ocweyo dano me lone kekengi. Baibul waco ni: “Pe tye ngat mo ma tye ki twero me loyo kwone.” (Jeremia 10:23) Pi tyen lok man, gamente pa dano pe gitwero jwayo lweny ki tim gero kwicikwici ki i lobo kany.

CATAN KI JOGINE

Baibul nyuto ni “lobo ducu tye i te loc pa Larac.” (1 Jon 5:19) “Larac” obedo Catan, dok obedo twon lanek. (Jon 8:44) En kacel ki jogine gitugo cwiny dano me cako lweny kacel ki tim gero.—Niyabo 12:​9, 12.