Nong Pwony ki i Cal ma Tye i Bukkewa

Bukkewa tye ki cal mapol ma giminiwa pwony ma pigi tego. Cal magi gitwero konyi nining?

• Nen cal magi ma peya icako kwano pwony moni. Cal ma tye twero tugo cwinyi me kwano pwony meno matut. Pol kare, ka waneno dek mamit wabedo ki mitti me camone. Pi meno, pennye kekeni ni, ‘Atye ka neno gin ango?’—Amoc 7:​7, 8.

• Ka iwoto ki kwano pwony meno, tam matut pingo kiyero cal ma tye. Kwan lok i kom cal ka tye. Tam kit ma cal meno kubbe kwede ki pwony ma itye ka kwanone kacel ki pwony ma itwero nongo ki i cal meno.

• Inge tyeko kwanni, tii ki cal ma kiketo me konyi wot wiye wiye i pwony ma ikwano. Tem goyo cal meno i wi kacel ki pwony ma inongo ki iye.

• Pingo pe inen cal ma kiketogi i magajin man wek inen ka pud wi po pwony ma itwero nongo ki i cal magi?