Nywak Gin ma Ipwonyo ki Jo Mukene

Wawinyo maber i nge tyeko kwano Baibul piwa kenwa. Wawinyo maber makato ka wanywako ki jo mukene jami ma wapwonyo ma okonyowa me nyiko cok ki Jehovah. Carolok 11:25 waco ni: “Ngat ma konyo jo mukene en bene gibikonye.”

Ka wanywako jami ma wapwonyo ki jo mukene, man dongo ngecwa dok konyowa me po oyotoyot i kom jami ma wakwano. Wanongo bene yomcwiny pien ngec man twero konyo jo ma wanywako kwedgi.—Tic 20:35.

Tem lubo tam man: I cabit ma lubo man, tem nywako jami ma ipwonyo i kwanni piri keni ki ngat mo. Itwero nywakone ki jo me pacowu, ngat mo i kacokkewu, latic lawoti, latin kwan lawoti, jiranini, nyo ngat mo ma irwatte kwede i tic me pwony. Tem titte jami magi i yo ma niang iye yot.

Wii opo ni: Mitiwa me nywako jami ma wapwonyo ki jo mukene tye me cuko cwinygi ento pe me wakke.—1 Kor. 8:1.