Wer 67
Leg Bot Jehovah Nino Ducu
Kit ma Nen Kwede i Buk Kikome
(1 Jo Tecalonika 5:17)
1. Leg bot Jehovah, ma Lawiny lega.
Tic ki nyinge obedo mot madit.
Yab cwinyi bote calo laremi,
Gen ni itwero jenge i kome.
Leg bot Jehovah ceng duc.
2. Leg bot Jehovah, pwoye pi kwowa,
Leg pi kica kun itimo kica.
Watitu balwa bot Lub’nga won gen.
En Lacwec dok ngeyo ni wan apwa.
Leg bot Jehovah ceng duc.
3. Leg bot Jehovah ka ce peko tye.
En aye Wonwa dok tye cok kwedwa.
Yeny gwok ma mege, dok yeny kony mere;
Kare duc gen en labongo lworo.
Leg bot Jehovah ceng duc.
(Nen bene Mat. 6:9-13; 26:41; Luka 18:1.)