“Wutim Kuman” Kwer me Nipo Bibedo i April 5
1. Nipo obedo kwer ma pire tek adada pingo?
1 “Wutim kuman me po pira.” (Luka 22:19) Ki lok meno, Yecu ociko lulub kore ni gubed ka kwero nino me tone. Ka watamo pi gin ma ginkok ocobo, pe tye nino mo ma pire tek, nyo madit pi Lukricitayo makato kwer me Nipo ma bedo mwaka ki mwaka. I mwakani kwer man bibedo i April 5 ma dong onyiko cok, wan wabinyuto pwocwa bot Jehovah nining?—Kol. 3:15.
2. Watwero nyuto pwocwa pi Nipo ka wakwano dok walwodo lok i kome nining?
2 Yubbe Maber: Pol kare wayubbe maber pi jami ma wangeyo ni pigi tego. Waromo yubo cwinywa pi Nipo ki kwano dok nyamo kacel calo jo me ot, gin mutimme i kare me agikki pa kwo pa Yecu calo dano i loboni kun ngat acel acel woto ki lwodone. (Ejira 7:10) Waromo tic ki ginacoya mogo ma kiryeyogi i Kalenda kacel ki buk me Examining the Scriptures Daily, ento ginacoya mapol mukene ma rwatte ki dul mogo ma tye i buk me Greatest Man kiketogi i pot karatac 23-24 me Watchtower me Febuari 1, 2011.
3. Medo cawa ma wacwalo i tic me pwony nyuto pwocwa pi Nipo nining?
3 Tito Kwena: Waromo bene nyuto pwocwa ki medo cawa ma wacwalo i tic me pwony. (Luka 6:45) Cakke i ceng Abicel me Marci 17, wabibedo ki rwec ma kwako lobo ducu pi lwongo dano wek gubin i kwer me Nipo. Tika iromo loko yubbi wek ibed ki kare muromo i tic me pwony, ka twere me tic calo painia pi tutunu? Pingo pe wunyam yub man kacel ki jo me odi i Otyeno me Worowu macalo jo me ot?
4. Adwogi mabeco ango ma wanongo ka wanywako i kwer me Nipo?
4 Pud dong wanongo adwogi maber loyo pi nywako i kwer me Nipo mwaka ki mwaka ya! Yomcwinywa ki marwa pi Lubanga medde ka walwodo lok i kom ber pa Jehovah pi miyowa Latinne acel keken calo ginkok. (Jon 3:16; 1 Jon 4:9, 10) Man weko pe wakwo piwa kenwa. (2 Kor. 5:14, 15) Tugo cwinywa bene me miyo pak bot Jehovah i dye lwak. (Jab. 102:19-21) Adada, lutic pa Jehovah ma gitye ki pwoc gikuro akura kare me kwero Nipo ma tye i April 5 pi ‘yweko lok me to pa Rwotwa.’—1 Kor. 11:26.