Dongo Dirowa I Tic Me Pwony​—Kony ‘Jo ma Myero’ me Doko Lupwonnye

GIN MUMIYO PIRE TEK: Jehovah aye weko kodi me lok ada dongo i cwiny ‘jo ma myero me nongo kwo ma pe tum.’ (Tic 13:48; 1Kor 3:7) Watiyo kacel kwede ka ce waketo cwinywa tutwalle me konyo jo ma gitye ka keto i tic gin ma gupwonyo. (1Kor 9:26) Lutino kwan me Baibul omyero guniang ni batija obedo gin ma pire tek me nongo larre. (1Pet 3:21) Wakonyogi me doko lupwonnye ka wapwonyogi me loko kwogi, me tito kwena ki pwonyo dano, ki dong me dyero kwogi bot Jehovah.—Mat 28:19, 20.

KIT ME TIMONE:

• Po wi lutino kwan me Baibul ni tyen lok mumiyo gitye ka kwan aye me ‘ngeyo’ Jehovah ki yomo cwinye.—Jon 17:3

• Konygi me dongo i yo me cwiny kun giloyo ariya macalo kit maraco ki lurem maraco

• Cuk cwinygi ma peya gunongo batija ki dok i ngeye.—Tic 14:22

NEN VIDIO MA WIYE TYE NI LUBANGA JEHOVAH BIKONYI, I NGEYE WUGAM LAPENY MAGI:

• Lworo ango ma juko jo mukene ki dyero kwogi ki nongo batija?

• Kony ango ma luelda gitwero miyone bot lutino kwan me Baibul wek gudong i yo me cwiny?

• Icaya 41:10 pwonyowa gin ango i kom Jehovah?

• Kit macalo mene ma bikonyowa me tic pi Jehovah kadi bed watye ki roc?