Yub me Cukul pi Cabit ma Cakke i Marci 26

CABIT MA CAKKE I MARCI 26

Wer 87 ki Lega

□ Cokke me Kwano Baibul:

fy dul 13 para. 21-22, bok i pot 162 (Dak. 25)

□ Cukul me Tiokraci:

Kwano Baibul: Jeremia 12-16 (Dak. 10)

Nam. 1: Jeremia 13:1-14 (Dak. 4 nyo ma pe o)

Nam. 2: Angagi ma Myero Gucam Cam me Otyeno pa Rwot?—rs-E pot 267 para. 5–pot 268 para. 1 (Dak. 5)

Nam. 3: Kwero Nipo-ni Myero Obed Tyen Adi, dok Awene?—rs-E pot 269 para. 1-2 (Dak. 5)

□ Cokke me Ticwa:

Wer 124

Dak. 5: Lok Angeya. Niang kacokke pi wang tic ma pud odong ma myero kiter iye karatac me lwongo pi Nipo.

Dak. 10: Wiwu Pe Owil ka Jolo Welo. (Ibru 13:1, 2) Pwony man laelda aye myero omi. Wunyam lok i kom yub me Nipo. Wunyam kit ma dano ducu myero gujol kwede wele ki lutit kwena ma ticgi okwe woko ma gibibedo tye i kwer man. Wek kinyut lapor ma iye aryo. Mukwongo, kinyut kare ma peya yub ocakke, ma latit kwena mo tye ka jolo welo ma onongo karatac me lwongo i kare me rwec. Ci i ngeye, ma dong yub otum wek latit kwena-ni omok yub ki welo-ni me rwatte lacen, wek gumedde ki nywako lok i kom Baibul.

Dak. 20: “Cwec me Aura Nyuto Deyo pa Lubanga.” Lapeny ki lagam. Ti ki ngec ma tye i paragraf mukwongo me cako lok, ki paragraf me agikki me dolo te lok. Wek lwak gulok i kom adwogi maber ma gunongo ki i neno vidio man. Wunyam kit ma vidio man kiromo tic kwede i tic me pwony. Ka ma vidio man peke iye, wunyam pwony ma wi lokke tye ni “Lobo ma Opong ki Jami Makwo” ki i brocuwa me Was Life Created? pot karatac 4-10, kun itiyo ki lapeny ma kiryeyogi-ni me nyamo wiye wiye wi lok ma pigi tego.

Wer 110 ki Lega

Cwec me Aura Nyuto Deyo pa Lubanga

Jo mapol ginongo yomcwiny i neno ki ngiyo ginacweya. Ento jo manok i kingi keken aye giniang ni ginacweya magi nyuto tam ki cwiny pa Lacwecwa. (Rom. 1:20) Yam con, Daudi onongo ngec i kom Jehovah ki i Lokke. Ento en bene ‘oneno’ dok onyiko cok ki Jehovah ki lwodo lok i kom ginacweya. (Jab. 8:3, 4) Vidio ma wi lokke tye ni The Wonders of Creation Reveal God’s Glory twero konyo lutinowa ki lutino kwanwa me Baibul me ngiyo cwec pa Jehovah wek guniang kit pa Lacwecwa, ci macalo adwogine gin gibinyikke cok bote. I nge neno vidio man, kong wunen ka wuromo miyo lagam i kom lapeny magi.

(1) Dit pa polo ki lobo, ki yub ma tye iye medo pwocwa pi Jehovah nining? (Ic. 40:26) (2) Ka wangiyo pii, pwony ango ma wanongo i kom Ngat ma ladiro ma ocweyo? (Yabo. 14:7) (3) Dit pa lobo ki cok-ke ki ceng nyuto ryeko pa Jehovah i yo ango? (4) Dwe tye ki kony ango? (Jab. 89:37) (5) I yo ango ma Jehovah ocweyo dano wek gunong yomcwiny i kwo? (6) DNA obedo gin ango? (Jab. 139:16) (7) Dano dok pat ki cwec mukene me lobo-ni nining? (Acak. 1:26) (8) Gin ango ma ibimito timone i lobo manyen?

Jami Mukene ma Tye Vidio Man: (9) Kala mapatpat mono gia ki kwene? (10) Pii ngayo gravity [teko ma ywayo jami dwoko i ngom] ci ito cito wa i wi yat nining? (11) Pii tye ki tic ango i kom dano? (12) Mi lanen ma nyuto ni cwec mapat pat gikwo maber kacel? (13) Ginacweya cako niang nining kit me moko wat ki luwotgi? (14) Cital me cweyo jami mogo ma kilwongo ni “golden angle,” obedo gin ango dok nen nining i ginacweya?

“Wunen” Maber Tic Cing Jehovah: Yecu ocuko cwinywa ni “kong wunen winyo me polo” ki “kong wutam pi lenga me tim.” (Mat. 6:26, 28) Timo kit meno miyo wadongo niye ki genwa i kom Lacwec, dok miyo wabedo ki pwoc pi ryeko pa Jehovah, tekone me lara, ki marre. Ma ka weko ni jami me lobo man owir tammi, jal kareni dok itute me ngiyo cwec me aura pa Jehovah, kun ilwodo gin ma gitittiwa i kom Lubangawa.—Jab. 19:1.