‘Gitye ki Yomcwiny, Jo ma Lukica!’

1. Lubangawa En lakica,

En nyuto kica pi marre.

Cwinye yom i tic me kica

Dok en gwokowa nino duc.

Jo ma gingut gingeyo ni

En bitimo kica botgi.

Wiye pe wil ni wan apwa,

Dong ngoliwa kop ki kica.

2. Ka wabalo ma cwinywa cwer,

Walokke bot Lubangawa,

Yecu Kricto onyutiwa

Kit me lego Rwot pi kica,

Wakwaye ni: “Ai, wek balwa,

Kit ma waweko pa dano.”

Pe wamedde ki akemo,

Ento wabibedo ki kuc.

3. Ka wan wabedo lukica,

Ci wabinyuto yot cingwa.

Wamiyo mic kadi pwoc pe,

Kun cwinywa yom pi miyone.

Dong Lubanga ma nenowa,

Aye biculo wang ticwa.

Jo ma lukica cwinygi yom,

Ginen maleng bot Lubanga.