Itwero Nongo Mot ma Birii Matwal ki Bot Lubanga ma Lamar

• Tika itye ki miti me kwo i lobo ma lweny, tim gero, ki kukukuku pe iye?

• Tika iparo ni two, deno can, ki to obed pe?

• Tika imito bedo agonya ki i par?

• Mono imito bedo i kabedo ma can ma poto atura pe timme iye?

Lubangawa ma lamar, ma en aye Ocweyo lobowa mamwonya-ni, ocikke me miyo ki dano kwo me yomcwiny ki kuc ma birii matwal. Man pe obedo lek mamwa.

I pwony ma lubo man, walegi me tam i kom lok magi:

• Kit ma Lacwecwa winyo kwede i kom dano

• Gin ma Lok pa Lubanga nyutiwa

• Gin ma lunebi pa Lubanga gutito ma lubbe ki jami mabeco ma Lubanga otimo dok bitimone piwa

• Gin ma watwero timo wek wabed ki yomcwiny i kare-ni dok wanong mot ma birii pi naka i anyim

Kong dong wacaku ki nyamo jami ma nyuto ni Lubanga paro piwa.