Lub Yub ma Iketo me Kwano Baibul Nino Ducu

Kit macalo watye ki tic mapol adada me atima, tika inongo ni tek me kwano Baibul nino ducu labongo keng? (Yoc. 1:8) Ka tye kit meno, ci tem tic ki tam acel i kin tam magi ma kiryeyogi-ni:

• Ket gin mo ma twero poyo wii nino ducu. Ter cimmi wek okok i cawa ma imito kwano iye Baibul.

• Ket Baibul ka ma itwero nenone. Ka ikwano Baibul ma kigoyo agoya, ci ket i kabedo ma itwero nenone nino ducu.—Nwo. 11:18.

• Winy dwan me Baibul ma kimako amaka. Bed ka winyo dwan me Baibul ma kimako ka iwoto ki timo ticci me nino ducu. Lapainia mo ma nyinge Tara, ma obedo min lutino dok tiyo i dyewor, owacci, “Winyo dwan me Baibul ma kimako konya pe me keng kwano Baibul nino ducu.”

• Pe iil cingi woko. Ka gin mo ongolle atura ma ogengi kwano Baibul i cawa ma iketo, ci tute me kwano olo tyeng mogo manok ma peya icito ka buto piny. Kadi ka ikwano tyeng manok keken nino ducu, pud ibinongo adwogi maber.—1 Pet. 2:2.