La

—Israel nɛ́ de ke—

 2 “Kɛ je ye nihe mi tɔɔ nɛ a tuaa mi be fɛɛ be;

Se a yi ye nɔ kunimi.

 3 A plaa ye se mi, nɛ ye se mi pee kaa zugba nɛ a kɛ na kpakplaa hu;

Ye se mi pee kaa zugba nɛ a gba dɔ gagaahi ngɛ nɔ.”

 4 Se Yehowa ji dalɔ;

E poɔ yiwutsotsɛmɛ a kpã amɛ.

 5 Nihi tsuo nɛ nyɛɔ Zion ɔ,

A hɛ mi ma pue si, nɛ a kɛ zo maa kpale a se.

 6 A maa pee kaa nga nɛ puɛ ngɛ tsu yi mi

Nɛ́ e nglaa loko a hiaa,

 7 E be nyɛe ma hyi ní kpalɔ ɔ dɛ mi,

Nɛ nɔ nɛ buaa ngma nya a hu, e be e dɛ mi hyie.

“Yehowa jɔɔmi nɛ hi nyɛ nɔ;

Wa ngɛ nyɛ jɔɔe ngɛ Yehowa biɛ mi.”