Mɛni E Sa Nɛ Waa Pee Konɛ Waa Sa Mawu Hɛ Mi?

Koo pee nɔ́ yayami. 1 Korinto Bi 6:9, 10

Ke wa suɔ Yehowa a, wa be níhi nɛ e sume pee.

Yehowa sume kaa waa ju, loo waa de dã, loo waa kɛ tsopa yayahi nɛ tsu ní.

Mawu sume nɔ gbemi, kɛ hɔ jemi, nyumu kɛ nyumu, loo yo kɛ yo nɛ a kɛ a sibi peeɔ yakayaka ní, e sume nɛ wa hɛ nɛ kɔ nihi a níhi a nɔ loo waa kɛ nihi nɛ nɔ kunɔ.

E sɛ nɛ wa ja amagahi aloo waa kɛ mumi yayamihi nɛ tsu ní.

Yayami peeli be zugba a nɛ a maa pee lɛ Paradeiso hwɔɔ se ɔ nɔ hie.

Moo pee nɔ́ kpakpa. Mateo 7:12

Ke wa suɔ kaa Mawu bua nɛ jɔ wa he ɔ, e sa kaa waa bɔ mɔde nɛ waa pee wa níhi kaa bɔ nɛ e peeɔ e níhi ɔ.

Moo suɔ nihi kɛ gu mi mi himi kpo nɛ o ma je kɛ tsɔɔ mɛ nɛ o maa ke mɛ ní faa a nɔ.

Moo ye anɔkuale.

Moo na nihi mɔbɔ nɛ o ngɔ a tɔmihi kɛ pa mɛ.

Moo tu Yehowa kɛ e blɔ ɔmɛ a he munyu kɛ tsɔɔ nihi.​—Yesaya 43:10.