DAA NYƆHIƆ HWƆƆMI MƆ

MUNYUHI NƐ A MAA KASE

▪ Moo Pee Kã—Yehowa Piɛɛ O He!

Nihi fuu nɛ a tu a he munyu ngɛ Ngmami ɔ mi ɔ je hemi kɛ yemi kɛ kã kpo. Ke wa kase nɔ hyɛmi ní komɛ nɛ a pee ɔ, lɔɔ maa wo wɔ he wami nɛ́ wa ná hemi kɛ yemi, konɛ waa kɛ kã nɛ sɔmɔ Yehowa. Munyu nɛ ɔ tu wa jeha 2013 ngmami ɔ he munyu.

▪ Ko Ha Nɛ Nɔ́ Ko Nɛ Je Mo Kɛ Je Yehowa He

▪ Moo Ya Nɔ Nɛ O Hɛ Mo Kɛ Su Yehowa He

Níhi fuu ngɛ nɛ wɔ nitsɛmɛ wa be nyɛe maa hla kɛ ha wa he. Kaa nɔ hyɛmi nɔ́ ɔ, wa be nyɛe maa hla nihi nɛ wa suɔ kaa a fɔ wɔ, loo nihi nɛ wa suɔ kaa a pee wa nyɛmimɛ, loo he nɛ wa suɔ kaa a fɔ wɔ ngɛ. Se huɛ bɔmi nɛ ngɛ waa kɛ Yehowa wa kpɛti ɔ ngɛ ekpa ngɛ enɛ ɔ he. Ke wa suɔ ɔ, wa ma nyɛ maa hɛ wɔ kɛ su e he, aloo wa ma je wa he kɛ je e he. Wa ma susu níhi kakaaka kpaago nɛ wa peeɔ ngɛ si himi mi nɛ e sɛ kaa wa ha nɛ jamɛ a ní ɔmɛ nɛ a je wɔ kɛ je Yehowa he ɔ a he ngɛ munyu nɛ ɔmɛ a mi.

▪ Mo Sɔmɔ Nɛ O Ko Pia O He

Wɔ tsuo wa pee ní komɛ hyɛ nɛ wa ná jinɛ wa pee we. Se e sɛ nɛ wa ha nɛ wa yi mi nɛ kojo wɔ ngɛ jamɛ a ní ɔmɛ a he tsɔ nɛ lɔɔ nɛ ba ha nɛ wa kɔni mi nɛ jɔ ngɛ Mawu sɔmɔmi mi amlɔ nɛ ɔ. Wa maa kase bɔfo Paulo konɛ waa le bɔnɛ wa ma sɔmɔ Yehowa ha nɛ wa be wa he piae.

▪ Asafo Mi Nikɔtɔmahi—‘A Kɛ Wɔ Ngɛ Ní Tsue Konɛ Wa Ná Bua Jɔmi’

Paulo ngma ngɛ womi enyɔne nɛ e ngma ya ha Korintobi ɔmɛ ɔ mi kaa, e kɛ nihi nɛ a piɛɛ e he ɔ tsuo ‘kɛ asafo ɔ ngɛ ní tsue konɛ a ná bua jɔmi.’ (2 Kor. 1:24) Mɛni asafo mi nikɔtɔmahi titli ma nyɛ maa kase ngɛ Paulo munyu nɛ ɔ mi? Nɛ mɛni wa ti nɔ tsuaa nɔ ma nyɛ maa pee konɛ bua jɔmi nɛ hi asafo ɔ mi? Wa ma susu sane bimi nɛ ɔmɛ a heto ɔmɛ a he ngɛ munyu nɛ ɔ nɛ wa maa kase ɔ mi.