DAA NYƆHIƆ HWƆƆMI MƆ

MUNYUHI NƐ A MAA KASE

▪ Enɛ ɔ Ji Wa Mumi Mi Gbosi Ní ɔ Nɛ

▪ Anɛ O Bua Jɔ Wa Mumi Mi Gbosi Ní ɔ He Lo?

A susu wa mumi mi gbosi ní komɛ nɛ a he hia a he ngɛ munyu nɛ ɔmɛ nɛ wa maa kase ɔ mi. A tsɔɔ bɔnɛ Mawu baa e Munyu ɔ yi, bɔnɛ e ha nɛ a kɛ e biɛ ɔ ngɛ ní tsue, kɛ bɔnɛ e baa Baiblo ɔ mi anɔkuale ɔ yi ha, nɛ lɔɔ poɔ wa he piɛ ngɛ lakpa jami mi tsɔɔmihi a he.

▪ Moo Hi Yehowa He Piɛ Pomi Dɔgba a Mi

A tsɔɔ nɔ́ nɛ he piɛ pomi kɔ̃ aloo dɔgba nɛ a tu he munyu ngɛ Zakaria 14:4 ɔ tsɔɔ kɛ nɔ́ heje nɛ e sa nɛ waa hi jamɛ a kɔ̃ loo dɔgba a mi ɔ ngɛ munyu nɛ ɔ nɛ wa maa kase ɔ mi. Jehanɛ se hu ɔ, wa ma susu nɔ́ nɛ nyu nɛ haa wami nɛ a tu he munyu ngɛ Zakaria 14:8 ɔ daa si ha, kɛ bɔnɛ ke wa nu nyu nɛ ɔ nɛ wa ma ná he se ha a hu he.

▪ Koo Pee Nɔ́ Ko Nɛ Ma Ha Nɛ Mawu Be O Hɛ Mi Nyami Woe

A tsɔɔ níhi nɛ ke wa pee ɔ, Yehowa maa wo wa hɛ mi nyami ngɛ munyu nɛ ɔ nɛ wa maa kase ɔ mi. Jehanɛ hu ɔ, a tsɔɔ níhi nɛ ke wa pee ɔ, Mawu be wa hɛ mi nyami woe, kɛ bɔnɛ ke wa ya nɔ nɛ wa ha nɛ Mawu wo wa hɛ mi nyami ɔ, e maa ye bua ni kpahi ha.