DAA NYƆHIƆ HWƆƆMI MƆ

MUNYUHI NƐ A MAA KASE

▪ Nihi Nɛ A Suɔ Yehowa a, ‘Nɔ́ Ko Nɔ́ Ko Be A Nane Tɔ̃tɔ̃e’

Kristofoli tsuo ngɛ neneene wami he fo ko tue. Se akɛnɛ a fɔ wɔ kɛ wo yayami mi heje ɔ, wɔ tsuo wa tɔ̃ɔ. Munyu nɛ wa maa kase nɛ ɔ maa ye bua wɔ nɛ́ wa yɔse níhi enuɔ nɛ a ma nyɛ maa tɔ̃tɔ̃ wa nane, nɛ e maa tsɔɔ wɔ nɔ́ nɛ wa maa pee konɛ ní nɛ ɔmɛ nɛ a ko tɔ̃tɔ̃ wa nane nɛ waa ye kunimi ngɛ fo nɛ wa ngɛ tue ɔ mi.

▪ Anɛ O ‘Nuɔ He Ngɛ O Tsui Mi’ Kaa O Le Yehowa Lo?

Wa ma nyɛ maa kase níhi fuu nɛ kɔɔ wa tsui ɔ he ngɛ Yeremia womi ɔ mi. Munyu nɛ ɔ nɛ wa maa kase ɔ maa ye bua wɔ konɛ waa hyɛ wa tsui mi nɛ waa pee tue bumi. E maa ye bua wɔ konɛ waa ‘nu he ngɛ wa tsui mi’ kaa wa le wa Yehowa hulɔ.—Yer. 9:26; 24:7.

▪ Nɛ Nyɛ “Ba Le Mawu” Nɛ ɔ, Mɛni Pa Piɛ?

Loko wa maa le Mawu nɛ́ Mawu hu maa le wɔ ɔ, mɛni e he hia nɛ waa pee? Mɛni heje nɛ e sa nɛ Kristofono nɛ ya nɔ nɛ e ha nɛ huɛ bɔmi nɛ ngɛ e kɛ Mawu a kpɛti ɔ mi nɛ wa a, nɛ kɛ e ma plɛ kɛ pee enɛ ɔ kɛɛ? Munyu nɛ wa maa kase nɛ ɔ maa ye bua mo konɛ o nyɛ nɛ o ha sane bimi nɛ ɔmɛ a heto.

▪ Yehowa Ji Wa Wesa He

Níhi fuu ngɛ je ɔ mi nɛ ma nyɛ ma puɛ huɛ bɔmi nɛ ngɛ waa kɛ Mawu wa kpɛti ɔ, se e sɛ nɛ waa ye gbeye. Munyu nɛ wa maa kase nɛ ɔ ma ha nɛ wa maa na kaa Yehowa wa Mawu ɔ ji wa wesa he nɛ hi pe kulaa.

▪ Moo Wo Yehowa Biɛ Ngua a Hɛ Mi Nyami

Ke nɔ ko piɛɛ nihi nɛ Mawu kɛ e biɛ wo mɛ ɔ a he ɔ, mɛni lɔɔ tsɔɔ? Mɛni Mawu biɛ ɔ mi nɛ wa maa nyɛɛ ngɛ ɔ tsɔɔ? Nɛ kɛ Mawu naa nihi nɛ a be bumi kɛ ha e biɛ ɔ kɛɛ? Wa maa na heto ɔmɛ ngɛ munyu nɛ ɔ nɛ wa maa kase ɔ mi.