Hwɔɔmi Mɔ INTANƐTI NƆ NITO HE
Hwɔɔmi Mɔ
INTANƐTI NƆ NITO HE
Dangme
Ɛ
  • ã
  • á
  • ɛ
  • ɛ́
  • ɛ̃
  • ɔ
  • ɔ́
  • í
  • ĩ
  • BAIBLO
  • WOMIHI
  • ASAFO MI KPEHI
  • wp16 No. 2 bf. 3-4
  • Anɛ Sane Nɛ ɔ Ya Nɔ Niinɛ Lo?

Ngmami nɛ ɔ he video be amlɔ nɛ ɔ.

Wa kpa mo pɛɛ nyagba ko he je ɔ, video ɔ hí jemi.

  • Anɛ Sane Nɛ ɔ Ya Nɔ Niinɛ Lo?
  • Hwɔɔmi Mɔ E Ngɛ Yehowa Matsɛ Yemi ɔ He Gɔgɔ Fiae (Ma Bi A Nɔ́)—2016
  • Munyuyi Nyafinyafihi
  • Munyu Nɛ Ngɛ Kaa Enɛ ɔ
  • ODASE NƐ NGƐ
  • NƐ YESU SI TEMI Ɔ HU NƐƐ?
  • Yesu Si Temi ɔ​—Se Nami Nɛ Ngɛ He Kɛ Ha Wɔ
    Hwɔɔmi Mɔ E Ngɛ Yehowa Matsɛ Yemi ɔ He Gɔgɔ Fiae—2014
  • Anɛ A Tle Yesu Si Niinɛ Lo?
    Hwɔɔmi Mɔ E Ngɛ Yehowa Matsɛ Yemi ɔ He Gɔgɔ Fiae—2013
  • Gbogboehi A Si Tlemi ɔ Maa Ba Mi Kokooko!
    Hwɔɔmi Mɔ E Ngɛ Yehowa Matsɛ Yemi ɔ He Gɔgɔ Fiae (Nɔ́ Nɛ A Maa Kase)—2020
  • “I Ngɛ Hɛ Kɛ Nɔ Fɔmi Ngɛ Mawu Mi”
    Hwɔɔmi Mɔ E Ngɛ Yehowa Matsɛ Yemi ɔ He Gɔgɔ Fiae (Nɔ́ Nɛ A Maa Kase)—2017
Hwɔɔmi Mɔ E Ngɛ Yehowa Matsɛ Yemi ɔ He Gɔgɔ Fiae (Ma Bi A Nɔ́)—2016
wp16 No. 2 bf. 3-4
Yesu kaseli ɔmɛ daa si ngɛ se nɛ a ngɛ Yesu gbogboe ɔ nɛ a je kɛ je sɛumi tso ɔ nɔ ɔ hyɛe

HƐ MI MUNYU | MƐNI HE JE NƐ YESU NA NƆ́ NƐ E GBO Ɔ?

Anɛ Sane Nɛ ɔ Ya Nɔ Niinɛ Lo?

A gbe Yesu, Nazaret no ɔ ngɛ jeha 33 mi ngɛ gbiɛ be mi. A po sane ngɔ fɔ e nɔ kaa e te si kɛ wo ma mlaa, a kongo lɛ nɛ a sɛu lɛ. Yesu na nɔ́ wawɛɛ loko e gbo. Se Mawu tle lɛ si kɛ ba wami mi ekohu, nɛ ligbi 40 se ɔ, e ho hiɔwe ya.

Wa naa munyu nɛ ɔmɛ ngɛ Sane Kpakpa eywiɛ nɛ ngɛ Kristofohi A Hela Ngmami nɛ a pɔɔ lɛ tsɛmi ke Somi He ɔ mi. Anɛ sane nɛ ɔmɛ ya nɔ niinɛ lo? E ji sane bimi nɛ he hia wawɛɛ. Ke ní nɛ ɔmɛ yɛ nɔ niinɛ ɔ, lɛɛ hemi kɛ yemi nɛ anɔkuale Kristofohi ngɛ kaa a maa hi si ngɛ Paradeiso kɛ ya neneene ɔ ji nlami. (1 Korinto Bi 15:14) Se ke ní nɛ ɔmɛ ya nɔ niinɛ ɔ, lɛɛ adesahi tsuo ngɛ hwɔɔ se he hɛ nɔ kami kpakpa, nɛ mo hu o ma nyɛ ma ná eko. Lɔ ɔ he ɔ, anɛ Sane Kpakpa amɛ a mi munyu ɔmɛ ji anɔkuale aloo nyazia?

ODASE NƐ NGƐ

Sane Kpakpa a mi munyu ɔmɛ pí nyazia, mohu ɔ, a ji níhi nɛ ya nɔ nitsɛnitsɛ nɛ́ nihi to a tsui si kɛ ngma fitsofitso. Kaa nɔ hyɛmi nɔ́ ɔ, a tu ma slɔɔtohi a he munyu. Mwɔnɛ ɔ po ɔ, wa ma nyɛ ma ya slaa si ngɛ ma nɛ ɔmɛ ekomɛ a nɔ. Yi nɔ sane ngmali ma nɔ mi kaa nihi nɛ a ngma Sane Kpakpa a ji nihi nɛ a hi si nitsɛnitsɛ.​—Luka 3:1, 2, 23.

Yi nɔ sane ngmali nɛ a hi si ngɛ Yesu be ɔ mi, kɛ nihi nɛ a hi si ngɛ e gbenɔ se ɔ po ngma Yesu he sane.a Kaa bɔ nɛ Sane Kpakpa ngmali ɔmɛ tsɔɔ mi ɔ, blɔ nɔ nɛ Roma bi ɔmɛ gblaa nihi a tue ɔ kɛ bɔ nɛ a pee Yesu ɔ kɔ. Jehanɛ hu ɔ, a ngma níhi nɛ ya nɔ ɔ pɛpɛɛpɛ. A tu Yesu kaseli ɔmɛ a gbɔjɔmi komɛ po he munyu. (Mateo 26:56; Luka 22:24-26; Yohane 18:10, 11) Oti nɛ ɔmɛ tsuo tsɔɔ kaa níhi nɛ Sane Kpakpa ngmali ɔmɛ ngma ngɛ Yesu he ɔ ji anɔkuale.

NƐ YESU SI TEMI Ɔ HU NƐƐ?

Nihi fuu kplɛɛ nɔ kaa Yesu ba hi si kaa adesa nɛ e gbo, se ni komɛ he we yi kaa a tle Yesu si. Benɛ Yesu kaseli ɔmɛ nu kaa Yesu te si ɔ, sisije ɔ, a he we yi. (Luka 24:11) Se benɛ Yesu je e he kpo kɛ tsɔɔ mɛ ngɛ si fɔfɔɛ slɔɔtohi a mi ɔ, a he ye. Be ko po ɔ, nihi 500 kɛ a hɛngmɛ na Yesu nɛ a tle lɛ si ɔ.​—1 Korinto Bi 15:6.

Yesu kaseli ɔmɛ kɛ kã tu Yesu si temi ɔ he munyu kɛ tsɔɔ nihi fuu. A tu Yesu he munyu kɛ tsɔɔ nihi nɛ a gbe lɛ ɔ po. (Bɔfo Ɔmɛ A Ní Tsumi 4:1-3, 10, 19, 20; 5:27-32) Yesu kaseli fuu kɛ kã tu Yesu he munyu kɛ tsɔɔ ni kpahi. Ke kaseli nɛ ɔmɛ be nɔ mi mami kaa a tle Yesu si niinɛ ɔ, jinɛ a ma nyɛ maa fiɛɛ kaa a tle Yesu si lo? Ngɛ anɔkuale mi ɔ, Yesu si temi ɔ ji nɔ́ titli nɛ ha nɛ Kristofohi a jami ɔ he si ngɛ je ɔ mi tsuo.

Yesu gbenɔ kɛ e si temi ɔ nɛ a ngma ngɛ Sane Kpakpa amɛ a mi ɔ ji odase nɛ tsɔɔ kaa munyu nɛ ɔ ji anɔkuale. Ke o to o tsui si kɛ kane munyu nɛ ɔmɛ ɔ, e ma ha nɛ o ma he ye kaa ní nɛ ɔmɛ ya nɔ niinɛ. Ke o le nɔ́ he je nɛ ní nɛ ɔmɛ ya nɔ ɔ, e ma ha nɛ o hemi kɛ yemi ɔ mi maa wa. Munyu nɛ nyɛɛ se ɔ maa tsɔɔ mi.

a Tacitus nɛ a fɔ lɛ maa pee jeha 55 ɔ ngma ke: “Kristo nɛ ji nɔ nɛ je [Kristofohi] a jami ɔ sisi ɔ na nɔ́ wawɛɛ nɛ e gbo ngɛ wa amlaalo Pontio Pilato dɛ mi ngɛ Tiberio nɔ yemi sisi.” Nihi nɛ a tu Yesu he munyu ɔ ekomɛ ji Suetonius (e hi si ngɛ kaseli ɔmɛ a be ɔ mi); Yuda no Josephus nɛ e ji yi nɔ sane ngmalɔ (e hi si ngɛ kaseli ɔmɛ a be ɔ mi); kɛ Pliny Wayo, nɛ ji Bitinia amlaalo ɔ (e hi si ngɛ jeha lafa enyɔ jeha amɛ a mi).

Mɛni He Je Nɛ Womi Hiɛhiɛɛ Be Nɛ Yeɔ Baiblo ɔ He Odase ɔ?

Yesu si himi kɛ e fiɛɛmi ní tsumi ɔ tsake nihi fuu a si himi. Se anɛ wa hia odase babauu ngɛ womi kpahi a mi kɛ piɛɛ nɔ́ nɛ a ngma ngɛ Baiblo ɔ mi ɔ he lo? Dɛbi. A ngma Sane Kpakpa amɛ maa pee jeha 2,000 ji nɛ ɔ. Womi kpahi nɛ a ngma ngɛ jamɛ a be ɔ mi ɔ a kpɛti bɔɔ ko pɛ lɛ ngɛ mwɔnɛ ɔ. (1 Petro 1:24, 25) Jehanɛ se hu ɔ, e he maa wa kaa Yesu he nyɛli ɔmɛ maa ngma Yesu he anɔkuale sanehi nɛ ma ha nihi ma ná hemi kɛ yemi ngɛ Yesu mi.

Petro nɛ ji Yesu kaseli ɔmɛ a ti nɔ kake ɔ de ngɛ Yesu si temi ɔ he ke: “Se Mawu tle lɛ si ligbi etɛne ɔ, nɛ e ha nɛ e je e he kpo tsɔɔ wɔ nihi nɛ Mawu hla ngɔ to momo kaa odase yeli ɔ, se pi nɔ tsuaa nɔ. Wɔ ji ni nɛmɛ nɛ e kɛ wɔ ye ní nɛ wa nu ní, benɛ e te si kɛ je gbeje se ɔ.” (Bɔfo Ɔmɛ A Ní Tsumi 10:40, 41) Se mɛni he je nɛ Yesu je we e he kpo kɛ tsɔɔ nɔ tsuaa nɔ ɔ? Mateo Sane Kpakpa a ha nɛ wa na kaa benɛ Yesu he nyɛli ɔmɛ nu Yesu si temi ɔ he ɔ, a to ga konɛ nihi kó he ye.​—Mateo 28:11-15.

Anɛ Yesu sume nɛ nihi nɛ le kaa a tle lɛ si lo? Dɛbi, ejakaa Petro ya nɔ nɛ e de ke: “E fa wɔ ke waa fiɛɛ sane kpakpa a ngɔ tsɔɔ ma a, nɛ waa ye odase kaa lɛ ji nɔ nɛ Mawu hla nɛ e kojo nihi nɛ hɛ ngɛ, kɛ ni nɛmɛ nɛ gbo ɔ.” Kɛ je blema a, anɔkuale Kristofohi ngɛ jã pee.​—Bɔfo Ɔmɛ A Ní Tsumi 10:42.

    Dangme Womihi Tsuo (2000-2025)
    Moo Je Mi
    Moo Sɛ Mi
    • Dangme
    • Kɛ Mane
    • Bɔ Nɛ O Suɔ Lɛ Ha
    • Copyright © 2025 Watch Tower Bible and Tract Society of Pennsylvania
    • E He Mlaahi
    • Laami Sanehi A He Mlaahi
    • Laami Sanehi A He Blɔ Nya Tomi
    • JW.ORG
    • Moo Sɛ Mi
    Kɛ Mane