Ke Si Himi ɔ Mi Wa
Kaa nɔ hyɛmi nɔ́ ɔ, kɔɔhiɔ nɛ nya wa ko puɛ Sallya nɛ e je United States ɔ níhi. Sally de ke: “I nu he kaa i be nyɛe ma da ye haomi ɔmɛ a nya hu. Be komɛ ɔ, i naa kaa ye kã nya tã.”
Aloo eko ɔ, o suɔlɔ ko nɛ gbo? Janice nɛ e je Australia a de ke: “Benɛ ye binyumu enyɔ ɔmɛ gbo ɔ, I he mi po nɛ i li bɔ nɛ ma pee ha. I kpa Mawu pɛɛ nɛ i de lɛ ke: ‘Ye kã nya tã, i be nyɛe ma da aywilɛho nɛ ɔ nya hu! I sume nɛ ma hi je mi hu, mo ha nɛ ma gbo kɛkɛ.’”
Ngɛ Daniel hu blɔ fa mi ɔ, e hao wawɛɛ benɛ e yo ɔ yi lɛ anɔkuale nɛ e puɛ gba a. E de ke: “Benɛ ye yo ɔ de mi kaa e ya bɔ ajuama a, e pee kaa nɔ́ nɛ a kɛ ha ko gbɔ ye tsui mi. Ye tsui kpa miɔ nɛ e ma tsɔ. Nɔ́ nɛ ɔ ha nɛ i hao wawɛɛ nyɔhiɔhi babauu.”
Hwɔɔmi Mɔ nɛ ɔ maa tsɔɔ nɔ́ he je nɛ e sɛ nɛ si himi ɔ nɛ gbe o nya ke
Oslaa ko ba
O suɔlɔ ko gbo
O he piɛɛlɔ yi mo anɔkuale
Hiɔ ko nɛ mi wa fia mo
Si himi ɔ mi wa
Kekleekle ɔ, ke waa kɛ oslaa ko kpe ɔ, mɛni maa ye bua wɔ konɛ wa nyɛ nɛ waa da nya?
a A tsake biɛ ɔmɛ ekomɛ ngɛ munyu nɛ ɔ mi.