Wa Mɔde Bɔmi Ngɛ Fiɛɛmi ɔ Mi

Wa je sɔmɔmi jeha a sisi ngɛ September kɛ daa blɔ gbali 6,023, nɛ ji yibɔ nɛ pe kulaa! Jehanɛ se hu ɔ, e ji bua jɔmi kaa wa yɔse kaa ngmlɛfiahi abɔ nɛ wa náa, womi tɛtlɛɛhi nɛ wa haa kɛ Baiblo mi nikasemihi nɛ wa peeɔ ɔ ngɛ hɛ mi yae. Kaa nɔ hyɛmi nɔ́ ɔ, ngɛ jamɛ a nyɔhiɔ ɔ mi ɔ, wa ha womi tɛtlɛɛhi nɛ a yibɔ su 675,143. Enɛ ɔ hiɛ pe yibɔ nɛ wa ná kekle jeha a ngɛ jamɛ a nyɔhiɔ ɔ nɔuu mi kɛ yibɔ nɛ hiɛ pe 82,000.

A ngɛ nikɔtɔma amɛ he wami woe kaa a hyɛ nɛ a sɛ womihi abɔ nɛ sa bɔnɛ pee nɛ hɛ mi yami nɛ ɔ ko ba si. Wa ha nyɛ tsuo ayekoo ngɛ nyɛ mɔde bɔmi kɛ kã nɛ nyɛ pee ngɛ sɔmɔmi nítsumi ɔ mi ɔ heje. Anɔkuale mi ɔ, “ngmɔ ɔ ba ní saminya.”—Mat. 9:37.