Nɔ́ Nɛ O Ma De Loko O Kɛ Womi Ɔmɛ Ma Ha

The Watchtower February 1

“Wa kpɛti nihi fuu ngɛ jami ko mi. Anɛ o susu kaa blɔ nɔ nɛ wa guu kɛ jaa Mawu ɔ he hia lɛ lo? [Ngmɛɛ blɔ nɛ e ha heto. Kane Mateo 15:9.] Womi nɛ ɔ tu níhi eywiɛ nɛ Yesu tsɔɔ kaa a kɛ yɔseɔ anɔkuale jami ɔ he munyu.” Ngɔɔ munyu nɛ ngɛ bafa 16 kɛ tsɔɔ lɛ.

Awake! February

“Ni komɛ heɔ yeɔ kaa Bɔlɔ ko ngɛ, se ni komɛ hu susuɔ kaa hemi kɛ yemi kaa Bɔlɔ ko ngɛ ɔ kɛ adebɔ he nikasemi kɔ we nɛ sisi numi be he. Kɛ o susu kɛɛ? [Ngmɛɛ blɔ nɛ e ha heto.] Baiblo ɔ tsɔɔ kaa anɔkuale hemi kɛ yemi daa si ngɛ odase yemi nɔ. [Kane Hebribi 11:1.] Womi nɛ ɔ ha odase yemi komɛ nɛ tsɔɔ kaa Bɔlɔ ko ngɛ.” Ngɔɔ munyu nɛ ngɛ bafa 22 kɛ tsɔɔ lɛ.

The Watchtower March 1

“Anɛ o susu kaa Baiblo ɔ ji Mawu Munyu aloo e ji womi kpakpa ko kɛkɛ? [Ngmɛɛ blɔ nɛ e ha heto.] Mo kadi nɔ́ nɛ Baiblo ɔ nitsɛ de. [Kane 2 Timoteo 3:16, 17.] Womi nɛ ɔ tsɔɔ blɔ nɔ nɛ o maa gu konɛ o ma o juɛmi nya si saminya ngɛ munyu nɛ ɔ he, kɛ nɔ́ heje nɛ e he hia kaa o pee jã.”

Awake! March

“Nihi fuu bua jɔ adebɔ níhi nɛ a ngɛ fɛu a he, nɛ eko ɔ, mo hu ja. Anɛ o kplɛɛ nɔ kaa bɔnɛ a to adebɔ níhi a he blɔ nya ha a hu tsɔɔ kaa nɔ ko nɛ ngɛ ní lemi nɛ to a he blɔ nya jã lo? [Ngmɛɛ blɔ nɛ e ha heto. Kane La 104:24.] Womi nɛ ɔ tsɔɔ adebɔ ní komɛ nɛ a to a he blɔ nya saminya kɛ nɔ́ nɛ wa kaseɔ ngɛ a he.”