Nɔ́ Nɛ O Ma De Loko O Kɛ Womi Ɔmɛ Ma Ha

The Watchtower April 1

“E ngɛ mi kaa Yesu ba hi si nɛ e gbo maa pee jeha 2,000 ji nɛ ɔ mohu, se kɛ̃ ɔ, nihi fuu kaiɔ e munyuhi nɛ e tu nɛ he wami ngɛ mi ɔ. Mɛni ji o juɛmi ngɛ munyu nɛ ɔ nɛ e tu ɔ he? [Kane Mateo 7:12, ngmɛɛ lɛ blɔ nɛ e ha heto.] A susu bɔnɛ o ma nyɛ ma ná Yesu munyu ɔmɛ a he se ha a he ngɛ womi nɛ ɔ mi.” Ngɔɔ munyu nɛ ngɛ bafa 4 kɛ tsɔɔ lɛ.

Awake! April

Kane La 37:9-11. Lɔɔ se ɔ, mo bi lɛ ke: “Ke munyu nɛ ɔ ba mi ɔ, kɛ o susu kaa je ɔ mi maa hi ha kɛɛ? [Ngmɛɛ lɛ blɔ nɛ e ha heto.] Womi nɛ ɔ tu gbami munyu nɛ ɔ nɛ woɔ nɔ he wami ɔ he munyu, nɛ e tsɔɔ nɔ́ heje nɛ ní yayamihi hyi je ɔ mi tɔ mwɔnɛ ɔ.” Ngɔɔ munyu nɛ ngɛ bafa 20 ɔ kɛ tsɔɔ lɛ.

The Watchtower May 1

“Anɛ o le nɔ́ heje nɛ Mawu ngmɛ nɔ́ nami blɔ ɔ lo? [Ngmɛɛ lɛ blɔ nɛ e ha heto.] Mo kadi bɔnɛ Baiblo ngmalɔ ko hu bi sane nɛ nihi babauu biɔ ɔ ha. [Kane La 10:1.] A tsɔɔ nɔ́ nɛ Baiblo ɔ de kɛ kɔ yi mi tomi heje nɛ Mawu ngmɛ nɔ́ nami blɔ, kɛ nɔ́ nɛ e ngɛ pee konɛ e kɛ po nɔ́ nami se ɔ nya ngɛ womi nɛ ɔ mi.”

Awake! May

“Nihi fuu suɔ kaa a ma kpa sigaleti numi se a nyɛ we. Anɛ o le nɔ ko nɛ e suɔ kaa e ma kpa sigaleti numi lo? [Ngmɛɛ lɛ blɔ nɛ e ha heto.] Ni komɛ ná yemi kɛ buami nɛ́ a huɛmɛ kɛ a wekuli kɛ ha mɛ ɔ he se. [Kane Fiɛlɔ 4:12a.] A tsɔɔ ní komɛ pɔtɛɛ nɛ ma nyɛ maa ye bua nɔ ko konɛ e nyɛ nɛ e kpa sigaleti numi ngɛ womi nɛ ɔ mi.”